Përroi del nga shtrati, përmbyt qytetin e Koplikut! Çahet asfalti! Uji hyn në banesa e biznese! Nën ujë dhe shëtitorja e Sarandës e Ksamili

Kopliku në Malësi të Madhe u përmbyt për shkak të motit të keq. Reshjet intensive dhe dalja nga shtrati i Përroit të Thatë solli situatë kaotike në rrugë.

Report Tv sjell pamjet nga përmbytjet, ku shihet se banesa e biznese janë në ujë.

Dëme të mëdha u shkaktuan në banesa dhe biznese ndërkohë që qendra e qytetit të Koplikut dhe zonës së Bajzës ka qenë nën pushtetin e ujit për disa orë.

Kjo ka qenë qendra e qytetit të Koplikut mëngjesin e kësaj të mërkure.

Reshjet intensive, dhe dalja nga shtrati i përroit të thatë në bashkinë Malësinë e Madhe ka shkaktuar dëme në banesa dhe biznese ndërkohë që qendra e qytetit të Koplikut dhe zonës së Bajzës ka qenë e pushtuar nga uji për disa orë.

Situata e krijuar nga reshjet intensive dhe fryrja e përroit të Thatë ka sjellë edhe angazhimin e strukturave të emergjencës në Malësinë e Madhe përfshirë forcat e policisë dhe ato zjarrfikëse.

Dëmet më të mëdha janë shkaktuar në fshatrat Gradec dhe në lagjen Culaj në qytetin e Koplikut ndërkohë që si pasojë e vërshimit të ujit nga Përroi i Thatë ka pasur dëmtime edhe në infrastrukturën rrugorë ku disa rrugë të fshatrave janë dëmtuar.

Nga bashkia e Malësisë së Madhe,  po bëhet evidentimi i dëmeve të shkaktuara nga moti keq gjatë orëve të para të mëngjesit të sotëm.

Reshjet e dendura të shiut që kanë përfshirë qytetin e Sarandës sot paradite kanë shkaktuar përmbytje të shëtitore së qytetit bregdetar.

Shqiptarja.com sjell pamjet ku duket shëtitorja duket sikur është kthyer në det.
 

Reshje shiu intensive kanë rënë edhe në Sarandë dhe Ksamil.

Për pasojë në Ksamil janë përmbytur disa rrugë dhe bizneset për rreth.

Report Tv sjell pamjet e rrugëve të mbushura me ujë.