MALËSI E MADHE- Një parcelë me 168 fidanë kanabis është zbuluar nga policia në fshatin Xhaj të Malësisë së Madhe e për këtë arsye policia ka shpallur në kërkim kryeplakun e fshatit.
 
Gjithashtu mësohet ka nisur precedimi në gjendje të lirë të Inspektorit të shërbimit pyjor pasi mbi ta rëndon akuza për "moskallëzim krimi".
 
Fidanët e kanabisit ishin mbjellë në vendin e quajtur “Stanet e Draganit” në një faqe mali të pyllëzuar.  

Parcela ishte e ndarë në formë brezaresh, në të cilën kishte të mbjella në tokë në shishe plastike me fundin e tyre të prerë gjithsej 168 fidanë kanabis me një lartësi prej  2 deri në 5 cm.
 
 Shpallet në kërkim
Rr. P, 61 vjeç, banues në fshatin Xhaj, Malësi e Madhe, me detyrë Kryetar i fshatit Xhaj, për veprën penale “Moskallzim i krimit”, e parashikuar nga neni 300 i Kodit Penal.
Procedohet  në gjendje të lirë
D. D, 59 vjeç, banues në fshatin Ducaj, Malësi e Madhe, me detyrë Inspektor i shërbimit pyjor, Bashkia Malësi e Madhe. 

[gallery]21888[/gallery]


Redaksia Online
(B.K/Shqiptarja.com)