POP 5

Lajmet më të lexuara të 5 minutave të fundit

Arkiva

Mali i Zi, padi 4 mjekëve në Bijelo 
 Polje pas vdekjes së një foshnje

Prokuroria e Lartë e Shtetit në Bijelo Polje sot ka ngritur aktakuzë ndaj mjekëve, Tomislav Jeremiç, Zvonko Puletić, Hake Tahiroviq dhe Jele Cimbaljeviq për shkak të infeksionit të pesë të sapolindurve në spitalin e përgjithshëm të Bijelo Poljes 
Prokuroria e Lartë e Shtetit në Bijelo Polje sot ka ngritur aktakuzë ndaj mjekëve, Tomislav Jeremiç, Zvonko Puletić, Hake Tahiroviq dhe Jele Cimbaljeviq për shkak të infeksionit të pesë të sapolindurve në spitalin e përgjithshëm të Bijelo Poljes në nëntor 2014, nga të cilët njëri prej tyre humbi jetën, raporton Anadolu Agency (AA).
 
Rikujtojmë se pesë foshnje u infektuan në nëntor 2014 në spitalin e Bijello Poles, nga të cilët njëri më vonë vdiq në Qendrën Klinike të Malit të Zi në Podgoricë. Për shkak të konstatimit të infeksionit tek të sapolindurit, në mesin e të dyshuarve janë ish-drejtori i spitalit, Tomisllav

Jeremiq, shef i departamentit të Neonatologjisë, Haka Tahiroviq dhe shefi i departamentit Gjinekologjik, Zvonko Puletic.
 
Më pas, hetimet e këtij rasti u zgjeruan edhe për pediatren, Jela Cimbaljević.
 
"Aktakuza është paraqitur për të akuzuarit, Tomislav Jeremiç si drejtor i Spitalit të Përgjithshëm në Bijelo Polje, Zvonko Puletiq si shef i Departamentit të gjinekologjisë dhe Haka Tahiroviq si shef i Departamentit të fëmijëve dhe repartit të Neonatologjisë, Jela Cimbaljeviq si mjek

specialist i pediatrisë, të cilët nuk vepruan në përputhje me rregullat që parashikojnë masat për luftimin dhe parandalimin e sëmundjeve të rrezikshme infektive", theksohet nga Prokuroria.
 
Ministri i Shëndetësisë, Miodrag Radunoviç dhe drejtori i spitalit të Bijelo Poljes, Jeremiç dhanë dorëheqje  nga funksionet, për shkak të mangësive në sistemin e kujdesit shëndetësor, ndërsa Tahiroviq dhe Puletiq u shkarkuan nga detyra.
 
Prindërit e foshnjave të infektuara në spitalin e Bijelo Poljes, njëra prej të cilave vdiq, hynë në grevë urie në mars të këtij viti, pas së cilës Jeremiç, Tahiroviq dhe Puletiq përsëri u kthyen për të punuar në spital. Pas gjashtë ditësh grevë urie para spitalit, prindërit ndërprenë grevën, për

shkak se Administrata e spitalit, mjekët të cilët akuzoheshin, i dërgoi në pushim vjetorë.


Redaksia Online
( b.h/Shqiptarja.com )
 

/Shqiptarja.com
  • Sondazhi i ditës:

    A jeni dakord me vendimin e gjykatës për detyrim paraqitje të Berishës?

Lajme të tjera



×

Lajmi i fundit

Interi propozon shkëmbimin e Kristjan Asllanit me talentin e Serie A

Interi propozon shkëmbimin e Kristjan Asllanit me talentin e Serie A

5 Janar, 22:54