Mali i Zi, Prokuroria e Posaçme ngre akt-akuzë për krime lufte ndaj një polici

Mali i Zi, Prokuroria e Posaçme ngre akt-akuzë për krime lufte ndaj një polici

Ulqin, Mali i Zi

Prokuroria e Posaçme në Mali të Zi ngriti të mërkurën një akt-akuzë kundër policit Zoran Gashoviç, "për krime lufte kundër njerëzimit", të kryera në vitin 1992 në zonën e Haxhiqit në Bosnjë dhe Hercegovinë.

"Si pjesëtar i policisë civile serbe të Bosnjës, Gashoviç ka marrë pjesë në vrasje, zhvendosje të detyruar, torturë, persekutim mbi baza fetare dhe etnike, burgosje të paligjshme të personave dhe akte të tjera të ngjashme çnjerëzore", njoftoi prokurori i posaçëm, Vukash Radonjiq.

Zona e Haxhiqit ishte pjesë e komunës së Sarajevës, ku gjatë luftës në Bosnjë e Hercegovinë ishte nën kontrollin e ushtrisë së Republikës Serbe. Shumë nga banorët e saj u dëbuan, u vranë ose u zhdukën. Janë gjetur edhe dy varre masive, të cilat supozohet se fshehin kufomat e qytetarëve të këtij vendbanimi.

Krimet në zonën e Haxhiqit gjatë vitit 1992 përmenden edhe në akt-gjykimet e Hagës kundër ish-udhëheqësve të Republikës Serbe, Radovan Karaxhiq dhe Momçilo Krajishnik.

Karaxhiq u dënua me burgim të përjetshëm, ndërsa Krajishnik me 20 vjet burgim.

Krimet e luftës të kryera në Haxhiqi përkujtohen çdo vit para monumentit, ku më shumë se 500 qytetarë të kësaj zone u burgosen dhe u vranë gjatë agresionit në Bosnjë e Hercegovinë gjatë viteve 1992-1995./ VOA

G.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Joe Biden tërhiqet nga gara presidenciale në SHBA, si e vlerësoni?



×

Lajmi i fundit

Kompanitë në proces të rikthimit, pas avarisë teknologjike

Kompanitë në proces të rikthimit, pas avarisë teknologjike