Presidenti i Malit të Zi, Jakov Millatoviç, i jep liderit të lëvizjes "Evropa Tani" Millojko Spajiq mandatin për kryeministër dhe formimin e qeverisë së re.
Presidenti i Malit të Zi, Jakov Millatoviç, tha në një konferencë me gazetarë në Cetinjë se pas konsultimeve që kishte pasur me përfaqësuesit e 18 subjekteve politike të koalicioneve ”Spajiq mbështetet nga shumica e subjekteve politike që kanë gjithsej 44 vende në parlament” nga 81 nga sa ai numëron.
Millojko Spajiç mbështetet krahas të tjerëve dhe nga subjektet politike shqiptare. Gatishmëri për mbështetjen e mandatarit ka shprehur dhe koalicioni nga radhet e Frontit Demokratik Së bashku për të ardhmen e Malit të Zi, por kjo përkrahje pritet të vijë pas një marrëveshje të mundëshme për qeverinë.
![](https://shqiptarja.com/template/img/NO_ALFA_Kuadrate shqiptarja.png)
Presidenti, Jakov Millatoviç, tha se "Spajiç ka tani 90 ditë për të formuar koalicion dhe qeverinë e re". Pres përgjegjësi dhe përshtatshmëri nga Spajiq, dhe të gjithë aktorët politikë që marrin pjesë në negociatat për formimin e qeverisë, tha Spajiq duke shtuar: "Besoj se në këtë moment, Mali i Zi ka nevojë për qeveri stabile, të pandarë nga profili evropian”.
Thirrje për formimin sa më parë të qeverisë kanë bërë dhe ndërkombëtarët.
Nga do të drejtohet Mali i Zi?
Analistët janë shprehur se përbërja e qeverisë do të ofrojë një pasqyrë të asaj se nga do të drejtohet Mali i Zi, ndonëse vazhdimisht përmendet synimi për anëtarësim në Bashkimin Evropian.
Edhe gjatë konsultave që ka zhvilluar Presidenti Millatoviç ka thënë se ka pasur një konsensus të të gjitha subjekteve për domosdoshmërinë e përshpejtimit të proçesit të integrimit në Bashkimin Evropian, përmirësimin e sundimit të ligjit dhe luftën kundër krimit të organizuar dhe korrupsionit dhe përmirësimit të standardit të jetesës.
Po ashtu Millatoviç tha se, "forcimi i besueshmërisë së anëtarësimit të Malit të Zi në NATO është në krye të prioriteteve.
Qeveria e re pa PDS dhe pa lëvizjen qytetare "Ura"
Kandidati për mandatar, Millojko Spajiç, që në fillim ka thënë se në përbërjen e qeverisë nuk do të ketë vend për përfaqesuesit e nga radhet e Partisë Demokratike të Socialistëve (PDS) të Gjukanoviçit dhe atyre të Lëvizjes Ura, të kryeministrit Dritan Abazoviç.
Sipas Lëvizjes "Evropa Tani" qeveria e ardhëshme do të ketë 22 ministri dhe katër nënkryetarë./DW
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)