MAL I ZI- Epoka e Presidentit aktual, Milo Gjukanoviç duket se ka ardhur drejt fundit, të paktën kështu tregojnë rezultatet paraprake të votave në raudin e dytë për zgjedhjet presidenciale në Malin e Zi. I pari që përshendeti fitoren e tij ishte kryeministri shqiptar në Malin e Zi, Dritan Abazoviç i cili u shpreh se tashmë Malin e Zi e pret një e ardhme e ndritur.
Sipas rezultateve primare nga raundi i dytë i zgjedhjeve në Mal të Zi, kandidati për president Jakov Milatoviç ka fituar ndjeshëm me 58.8% të votave, ndërsa Gjukanoviç me 41% të votave.
“U bëftë me fat kjo fitore për të gjithë ne”, tha Milatoviq në festën në Qendrën Universitare në Podgoricë.- tha ai.
Pjesmarrja e malazezëve ka qenë sot e lartë. CDT njoftoi se në raundin e dytë të zgjedhjeve votuan 70.7 për qind e votuesve ose rreth 383.300 qytetarë. Sipas të dhënave të CDT-së, kjo është një pjesëmarrje 7.7 për qind më e lartë krahasuar me raundin e parë të zgjedhjeve të 19 marsit.
Sot u mbajt raundi i dytë i zgjedhjeve presidenciale, ku morën pjesë kreu aktual i shtetit dhe lideri i Partisë Demokratike të Socialistëve (DPS) Milo Gjukanoviq dhe nënkryetari i Lëvizjes Evropa tani Jakov Milatoviq. Të drejtë vote në zgjedhjet presidenciale patën 542.154 qytetarë.
Raundi i dytë i zgjedhjeve presidenciale u mbajt për herë të parë që nga viti 1997, kur Momir Bulatoviq ishte kundërshtar i Gjukanoviqit.
Që atëherë, kandidati i DPS-së ka fituar zgjedhjet presidenciale në raundin e parë.
Këto janë zgjedhjet e katërta presidenciale që nga rivendosja e pavarësisë.
Raundi i parë i zgjedhjeve presidenciale u mbajt më 19 mars me pjesëmarrjen e shtatë kandidatëve, por askush nuk fitoi shumicën e nevojshme të votave (më shumë se 50 për qind). Sipas rezultateve të përkohshme të Komisionit Shtetëror Zgjedhor (KSHZ), Gjukanoviq fitoi 35,37 për qind të votave (ose 119.673 vota), ndërsa Milatoviq 28.92 (97.858).
Një nga liderët e Frontit Demokratik (DF), Andrija Mandiq, ka marrë 19.32 për qind të votave (65.386), lideri i Demokratëve, Aleksa Beçiq, 11.1 për qind (37.562), deputeti i Partisë Socialdemokrate (SDP). , Draginja Vuksanoviq Stankoviq, 3,15 (10,669), presidenti i Malit të Zi të Bashkuar Goran Danilović 1,38 (4,652), ndërsa kandidati i pavarur Jovan Radulović fitoi 0,76 për qind të votave (2,574).
Sipas të dhënave të KSHZ-së, pjesëmarrja në rrethin e parë ishte 64 për qind.
Mandati i presidentit zgjat pesë vjet.
Pas fitores së thellë në Mal të Zi nga Milatoviç, në disa qytete filluan festimet nga mbështetësit e Jakov Milatoviqit, kandidatit presidencial të Lëvizjes Evopa Tani.
Përkrahësit e Milatoviqit u mblodhën para selisë së PES në Podgoricë. Këndojnë “Bie shi ujë i ftohtë, Milo shkon, Milo shkon”.
Kryeministri shqiptar në Malin e Zi, Abazoviç ka reaguar për fitoren e thellë të Millatoviç në raundin e dytë të zgjedhjeve presidenciale.
‘Fitore! Përgëzoj
@JakovMilatovic
për zgjedhjen si presidenti i parë evropian në historinë e Malit të Zi! ???????????????? Misioni ka përfunduar. Malin e Zi e pret një e ardhme e ndritur. Do të punojmë së bashku për një shtet evropian, qytetarë dhe ekologjik!’- shkroi ai.
Sipas rezultateve primare nga raundi i dytë i zgjedhjeve në Mal të Zi, kandidati për president Jakov Milatoviç ka fituar ndjeshëm me 60% të votave, ndërsa Gjukanoviç me 40% të votave.
Kryeministri i Kosovës, Albin Kurti, të premten shfaqi brengën e tij për zgjedhjet presidenciale në Mal të Zi. Presidenti Milo Gjukanoviç rrezikon seriozisht që të humbas nga një politikan i ri që ka avokuar për lidhje më të forta mes Malit të Zi dhe Serbisë. A duhet të jemi të gjithë kaq të brengosur sa Kurti?
“Në planin ndërkombëtar më së shumti më kanë shqetësuar zgjedhjet në Mal të Zi. Unë jam shumë i brengosur për ato zgjedhje,” – tha z. Kurti në intervistë duke shtuar se uronte që kundërkandidati Jakov Millatoviç të humbiste. Kryeministri madje, nënkuptoise kishte shumë indikacione e bile edhe fakte se MilatoviՎ mund të ishte pro-serb e pro-rus.
“Nëse fiton kundërkandidati, unë besoj që hapet rruga për zhdukjen e kombit malazez,” – u shpreh kryeministri i Kosovës.
Çka dihet për Millatoviçin?
Jakov Millatoviç është një politikan i ri 36 vjeçar nga Podgorica që i ka hyrë politikës vetëm tri vjet më parë kur u bë ministër i Ekonomisë dhe Zhvillimit Ekonomik në kabinetin e Zdravko Krivokapiqit, kryeministrit të përshkruar si pro-serb në Mal të Zi.
Politikani i ri malazez që mund të bëhet president ka avokuar haptas për lidhje më të forta mes Malit të Zi dhe Serbisë.
“Mali i Zi dhe Serbia janë të lidhur nga historia e përbashkët, marrëdhëniet e mira e miqësia por edhe ekononomia... theksi duhte të jetë te përmirësimi i raporteve mes dy vendeve në të gjitha fushatat.” – ishte shprehur mes tjerash z. Millatoviç.
Megjithatë, ai është mbështetës edhe i anëtarësimit të Malit të Zi në Bashkimin Evropian dhe në vitin 2006 ka votuar për pavarësinë në referendum.
Bashkë me Milojko Spajiqin, ai kishte themeluar partinë “Europe Now!” (Evropë Tash) dhe siç shkruan REL, ata kishin demonstruar një zotësi për “thjeshtësime populiste”.
Spajiq dhe Millatoviç kishin marrë popullaritet të madh për shkak të një skeme reformash që kishte dyfishuar pagën minimale prej 222 në 450 euro duke e rritur kësisoji edhe pagën mesatare nga 530 në 670 euro.
Dhe, ishte Spajiq e jo Millatoviç ai që fillimisht kishte planifikuar që të garonte kundër Gjukanoviqit në zgjedhjet presidenciale. Por, kandidatura e tij e mori teposhtëzen shkaku se kishte jetuar gjatë në Serbi dhe shkaku i dyshimeve se kishte shtetësi të dyfishtë.
Kësisoji, iu hap rruga Millatoviqit dhe tashmë ai ka marrë një mbështetje të madhe nga kundërshtarët e presidentit aktual që janë rritur ndjeshëm.
Gjukanoviq i mori vetëm rreth 36 për qind në raundin e parë të zgjedhjeve, ose gati 20 për qind më pak se që i kishte marrë në zgjedhjet e vitit 2018. Millatoviç i kishte marrë rreth 29 për qind. Por, megjithatë ekziston një frikë e madhe se kjo epërsi e vogël tashmë është shkrirë dhe se Gjukanoviq mund të humbas zgjedhjet./ Nacionale
Kandidati presidencial i Lëvizjes Evropa Tani Jakov Milatoviç erdhi në qendrën e tij të votimit në Podgoricë për të votuar i shoqëruar nga bashkëshortja e tij Milena, por pa letërnjoftim. Ai e kishte harruar kartën e identitetit në shtëpi.
Kandidatit për President i është dashur të kthehet në banesën e tij, pas së cilës ka ardhur sërish në qendrën e votimit dhe ka votuar.
Komente
Lajme të tjera
-
Kreu i SPAK dhe Kryeprokurori Special i Malit të Zi nënshkruajnë Memorandum Bashkëpunimi
17 Dhjetor, 18:36 -
Monumenti i Gjergj Kastriotit vendoset edhe në Tuz të Malit të Zi
28 Nëntor, 21:55 -
Abazoviç: Roli i Shqipërisë, i rëndësishëm për stabilitetin në rajon
16 Nëntor, 15:48 -
Ballkani hyn më shpejt në BE?/ Von der Leyen: Përfiton prej tensioneve gjeopolitike
31 Tetor, 17:15 -
SHBA sanksionon firmat serbe dhe malazeze për shkak të mbështetjes të luftës së Rusisë
31 Tetor, 15:50 -
Progres-raporti i BE, Ulsi Manja me homologun malazez: Nisim takime në nivel teknik për kapitullin 23
30 Tetor, 09:39 -
Tronditet Mali i Zi/ Vëlla e motër gjenden të vrarë, autori i armatosur ende në arrati! Policia thirrje banorëve të mbyllen në shtëpi
26 Tetor, 09:32 -
Censi në Malin e Zi/ Shqiptarët deklarohen më pak se 5%, janë 30 mijë shtetas me origjinë shqiptare! Shtohen serbët! 2 % janë rusë
15 Tetor, 15:48
-
Abetarja e unifikuar për shqiptarët e Malit të Zi, presidenti Begaj: Gjuha është rrënja e kombit! Të jemi bashkë pavarësisht ideologjive politike
8 Tetor, 09:29 -
Kapen rreth 95 kilogramë marijuanë në Tuz të Malit të Zi, erdhi nga Shqipëria, arrestohet shqiptari
30 Shtator, 17:01 -
Gjukanoviçi merr shumicën e votave në Podgoricë, mbetet i paqartë formimi i pushtetit vendor në kryeqytetin e Malit të Zi
30 Shtator, 13:22 -
Augustin Palokaj: Mali i Zi mes BE-së dhe botës serbe
5 Gusht, 17:51
Fitorja e Milatoviçit dote jete fatale per Malin e Zi.
PërgjigjuEdvin shkjau shqipfolës është duke festuar me Vucicin fashist në Itali