POP 5

Lajmet më të lexuara të 5 minutave të fundit

Kronikë

Maliq, arrestohet 59 vjeçari, i dehur ngacmonte dhe përndiqte 12 vjeçaren! Dëshmia e gjyshes: E ndiqte pas, çupa ka frikë!

Një 59-vjecar në Maliq është arrestuar nga policia pasi përndiqte dhe ngacmonte seksualishte një vajzë të mitur. Denoncimi është bërë nga gjyshja e vajzës, e cila thotë se fqinji u ka shkaktuar traumë psikologjike

Ngacmimet e vazhdueshme seksuale dhe përndjekja ndaj një të miture ka çuar pas hekurave 59-vjecarin nga Pojani i Maliqit, Anesti Sala. Denoncimi është bërë nga gjyshja e 12-vjecares, e cila rrëfeu për Report tv episodet e frikshme.

‘Ka një javë që e ndjek mbrapa. Unë dje isha te psikologia te shkolla. Ai ishte aty i pirë, i tha çupës hajde këtu, unë shkova e zura për gryke dhe e godita. Psikologia që pa çupën duke qarë tha do e lajmëroj unë policinë. Ai e ndiqte nga mbrapa, i fliste në telefon, pinte, ra çupa në depresion.’- rrëfeu ajo.

Vajza e mitur jeton në kushte të mjerueshme, me gjyshen dhe nënën e sëmurë. Ndërsa, fqinji duket se ka përfituar nga kjo situatë duke ju vënë nga pas në shkollë e shtëpi. Gjyshja tregon se 59-vjecari Sala është i divorcuar dhe i alkolizuar.

“Ka ardhur me gurë natën, nuk di çfarë të them kam hequr traumë. Çupa ka frikë të dalë, nuk del më vetë vajza jashtë”.- tha ajo.

Gyshja e të miturës kërkon ndihmë nga shërbimi social dhe shkolla, pasi 12-vjecarja ka nevojë për trajtimin e psikologut.

Rendit zhvillimet sipas orarit:
Ora 13:34
E rëndë në Maliq/ 59 vjeçari ngacmonte seksualisht 12 vjeçaren, gjyshja dëshmon ditët e tmerrit: E ndiqte pas! Erdhi me gurë natën! Çupa ka frikë të dalë

 

Zbulohen detaje të rënda nga ngjarja e rëndë e ndodhur në Maliq ku një 59 vjeçar është arrestuar pasi akuzohet se ka ngacmuar seksualisht një të  mitur vetëm 12 vjeçe.

Fillimisht vajza nxënëse shkolle nuk ka treguar për ngacmimet pasi i vinte turp dhe nuk donte  të shqetësonte gjyshen e saj me të cilën jetonte

“Cupa nuk më ka treguar që e ngacmonte ky person se i vinte turp dhe nuk donte të më shqetësonte mua se isha e sëmurë. Ka 1 javë që e ndjek mbrapa” tha gjyshnja në një prononcim për Report Tv.

Madje vajza kishte munguar dhe në shkollë pasi e përndiqte.

Unë dje isha te psikologia te shkolla që ta justifikoja që mos i vinte mungesa cupës,ai ishte aty i pirë,i tha cupës hajde këtu unë shkova e zura për gryke dhe e godita. Psikologia që pa cupën duke qarë tha do e lajmëroj unë policinë. Ai e ndiqte nga mbrapa, i fliste në telefon, pinte, ra cupa në depresion.

Gjyshja e 12 vjecares bën të ditur se 59 vjecari ka qënë në gjëndje të dehur në rastet kur e ka ngacmuar mbesën e saj.  59 vjeçari e ka përndjekur për ditë me rradhë 12 vjecaren madje sipas gjyshes 59 vjecari ka arritur deri aty sa të shkojë edhe në banesën e tyre.

 Ka ardhur me gurë natën, nuk di çfarë të them kam hequr traumë. Çupa ka frikë të dalë. nuk del më vetë vajza jashtë” 

12 vjeçarja jeton me gjyshen dhe me nënën e saj e cila ka probleme të shëndetit mendor. Për vajzën kujdesej gjyshja ndërsa jetojnë në një banesë me kushte të mjerueshme.

S.G/Shqiptarja.com

S.G/M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 11/11/2023 01:26

    Si ja dinte numrin e telefonit qe i fliste?

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

5 këshilla si të shtroni tryezën për Krishtlindje

5 këshilla si të shtroni tryezën për Krishtlindje

25 Dhjetor, 09:25