POP 5

Lajmet më të lexuara të 5 minutave të fundit

Kronikë

Maliq/ Investoi në Shqipëri, arabit i digjen 7 ha grurë: Nuk e di shkakun, pres mbështetje nga shteti shqiptar

Një të riu arab që ka zgjedhur të investojë në Shqipëri, duket se nuk i kanë ecur gjërat ashtu siç duhet. 7 hektarë me grurë i janë shkrumbuar nga zjarri tërësisht duke i sjellë dëme të konsiderueshme.

Gjithçka ç’ka mbetur nga 7 hektarë grurë në zonën torfike të fshatit Sheqeras, është veçse një tokë e djerrë. 

Ndërsa gruri ishte në fazën e korrjes, parcelat në pronësi të një të riu arab, janë shkrumbuar tërësisht në fshatin Sheqeras. Gjithçka ka ndodhur shumë shpejt, dhe falë ndërhyrjes së banorëve të fshatit, zjarri është lokalizuar dhe është shpëtuar pjesa më e madhe e sipërfaqes së mbjellë me grurë. Shtetasi arab nuk di të thotë si ka rënë zjarri, por pret përgjigje nga hetimi i policisë.

“Zjarrfikësit erdhën shumë shpejt edhe policia e punonjësit e bashkisë. Ata sollën dhe një traktor që të na ndihmonin, bënë një punë shumë të mirë, faleminderit të gjithëve. Patëm dëmtime shumë të mëdha dhe mendoj se do humbasim shumë para nga kjo. Jemi të rinj në këtë biznes këtu në Shqipëri dhe po hasim shumë vështirësi. Presim të kemi ndonjë gjë në këmbim ose një ndihmë çfarëdo që të jetë. Nuk e di mbase 7 ose 8 hektarë”, tha ai.

Si biznesmen i ri në Shqipëri e duke pësuar dëme të konsiderueshme, shtetasi arab Abdulla Elsakka pret mbështetje nga shteti shqiptar, ndërsa mbetet i paqartë shkaku i zjarrit.

SI.E./E.H/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Dita e mësueses së baletit në ‘Një nga ne’, Romina Kaso: Më frymëzojnë sytë e fëmijëve, do kërcej sa të kem fuqi

Dita e mësueses së baletit në ‘Një nga ne’, Romina Kaso: Më frymëzojnë sytë e fëmijëve, do kërcej sa të kem fuqi

27 Nëntor, 21:51 nga Xhensila Nako