Maliq, plagosi gruan e djalin dhe nuk iu dorëzua policisë, 62-vjeçari ekzekutohet nga RENEA (EMRI + VIDEO)

Detaje të reja nga operacioni për neutralizimin e Ramiz Muçollarit i cili ishte izoluar në banesë dhe nuk pranonte t’i dorëzohej policisë por shkëmbeu zjarr me të.

Gazetari i Report TV mëson se RENEA 4 – 5 herë ka hedhur bomba tymuese për të neutralizuar 62 vjeçarin.

 Policia thotë se Ramiz Muçollari, vuante nga probleme të shëndetit mendor dhe gjatë ditës së djeshme ka qenë për vizitë me familjarët në spitalin psikaitrik, por nuk është shtruar në spital, dhe në mbrëmje kur janë kthyer në banesë ka nisur konfliktin me familjarët.

Publikohen pamjet e operacionit të RENEA-s në banesën e Muçollarit në fshatin Qesarak të Maliqit. 

62 vjeçari u ekzekutua nga RENEA si pasojë e shkëmbimit të zjarrit, 62- vjeçari ka humbur jetën”

Pamje të reja janë zbuluar nga momenti i ekzekutimit të 62-vjeçarit, Ramiz Muçollari i cili u vra nga forcat RENEA, mëngjesin e sotëm në fshatin Qesarak të Maliqit.

Në pamjet e siguruara nga Report Tv, duken dy efektivë të forcave RENEA, të cilët janë pozicionuar me armë në dorë në derën e shtëpisë së viktimës, ndërsa në sfond duket rrëmuja nga përleshja me armë mes tyre.

Kjo është arma me të cilën Ramiz Muçollari ka qëlluar drejt forcave RENEA e policisë për 8 roë rrethim.

Ministri i Brendshëm ka reaguar ndaj ngjarjes në fshatin Qesarak të Maliqit ku gjatë shkëmbimit të zjarrit me forcat RENEA vdiq Ramiz Muçollari.

Taulant Balla i shprehu mirënjohje forcave RENEA

"Mirënjohje forcave RENEA dhe atyre të Drejtorisë Vendore të Policisë Korçë për kryerjen e detyrës gjatë gjithë natës së mbrëmshme deri sot në mëngjes në Maliq edhe në kushtet e kërcënimit për jetën, sepse thirrjeve të Policisë së Shtetit, shtetasi që kërkohej të ndalohej, ju kundërvu me përdorimin e armës ndaj policisë. Në këto rrethana përcaktimet ligjore janë të qarta dhe Policia e Shtetit zbatoi Ligjin.

Dua ta siguroj publikun se çrrënjosja e dhunës ndaj grave dhe dhunës në familje është një detyrë kryesore. Çdo grua, çdo vajzë duhet të ketë besimin se telefonata e saj tek Policia është vendimi i duhur që sjell çlirimin nga makthi dhe fitoren e ligjit mbi padrejtësinë dhe dhunën."

Detaje të reja janë zbuluar në lidhje me 62-vjeçarin që u ekzekutua mengjesin e sotëm nga forcat  RENEA, në fshatin Qesarakë të Maliqit.

Policia thotë se Ramiz Muçollari, vuante nga probleme të shëndetit mendor dhe gjatë ditës së djeshme ka qenë për vizitë me familjarët në spitalin psikaitrik, por nuk është shtruar në spital, dhe në mbrëmje kur janë kthyer në banesë ka nisur konfliktin me familjarët.

Mësohet se në spital 62-vjeçarit i kanë bëre vetëm nje serum me qetësues dhe i kanë rekomanduar të shtrohet në spitalin e psikiatrisë.

Policia jep informacion zyrtar lidhur me ekzekutimin e Ramiz Muçollarit sot paradite në banesën e tij në fshatin Qesarakë, Maliq

Shkëmbeu zjarr me Policinë lokale dhe më pas me forcat Speciale "Renea", por si pasojë e shkëmbimit të zjarrit 62- vjeçari humbi jetën.

Forcat Speciale "Renea", në bashkëpunim me Policinë lokale të Komisariatit të Policisë Maliq dhe shërbimet e Drejtorisë Vendore të Policisë Korcë, prej më shumë se 8-orësh mbajtën të rrethuar në fshatin Qesarakë, Maliq, banesën e shtetasit Ramiz Muçollari, i cili mbrëmjen e djeshme  plagosi me thikë bashkëshorten dhe djalin e tij.

Shtetasi Ramiz Muçollari, pas plagosjes së dyfishtë  u mbyll në banesë dhe  nuk i'u përgjigj thirrjes së Policisë Vendore për t'u dorëzuar, por ka qëlluar me armë zjarri (mitraloz të lehtë) në drejtim të tyre. 

Ndodhur në këto kushte  janë dërguar me urgjencë në vendngjarje, Forcat Speciale "Renea", të cilat kanë marrë nën kontroll perimetrin e afërt të sigurisë, ndërsa policia lokale është pozicionuar në perimetrin e largët të sigurisë.

Përgjatë natës, Forcat  Speciale "Renea", i kanë bërë thirrje të pandërprera për t'u dorëzuar, por 62-vjeçari nuk i është bindur thirrjeve të Policisë për t'u dorëzuar dhe ka vijuar të qëllojë me armë zjarri drejt Policisë.

Në mëngjesin e sotëm, Forcat Speciale "Renea", kanë mundur të hyjnë deri në katin e dytë të banesës së shtetasit Ramiz Muçollari, i cili ishte ngjitur në papafingon e banesës dhe ka hapur zjarr në drejtim të Forcave Speciale "Renea", duke rrezikuar seriozisht jetën e tyre.

Forcat Speciale "Renea", në zbatim të plotë të procedurave standarte janë kundërpërgjigjur me zjarr dhe përreth një orë ka vijuar shkëmbimi i zjarrit. Si pasojë e shkëmbimit të zjarrit, 62- vjeçari ka humbur jetën.

Theksojmë faktin se shtetasi Ramiz Muçollari, vuante nga probleme të shëndetit mendor dhe gjatë ditës së djeshme ka qenë për vizitë me familjarët në spitalin psikaitrik, por nuk është shtruar në spital, dhe në mbrëmje kur janë kthyer në banesë ka nisur konfliktin me familjarët.

Grupi hetimor ndodhet në vendngjarje dhe nën drejtimin e Prokurorisë vijon kqyrja e vendit të ngjarjes për dokumentimin e plotë ligjor të këtij rasti.

Detaje të reja nga fshati Qesarakë i Maliqit. 62 vjeçari Ramiz Muçollari u ekzekutua pasi kishte qëlluar drejtëpërdrejtë me automatic forcat RENEA të cilat kishin arritur të hynin në katin e dytë të banesës tre katëshe,  ndërkohë ai ishte i fshehur në papafingo.

Mësohet se rrethimi i banesës ka nisur prej orës 02:00 të mëngjesit të sotëm ndërsa krismat janë dëgjuar deri në Maliq.

62 vjeçari ka pasur kallashinkov dhe ka shtënë disa herë drejt policisë.

Ekzekutohet nga RENEA Ramiz Muçollari. Ai plagosi mbrëmë gruan e djalin dhe nuk pranboi ti dorëzohej policies

Qëlloi disa herë drejt efektivëve. Ramiz Muçollari dyshohet se vuan nga probleme të shëndetit mendor

Një fqinj i familjes Muçollari në fshatin Qesarak të Korçës tregon se 62 vjeçari kishte plagosur mbrëmë  bashkëshorten e djalin e tij, dhe gjithë natën kishte qëlluar. Edhe gjatë mëngjesit kishin vijuar të shtënat.

Fqinji pranon se Ramiz Muçollari ishte një person që vuante nga problem të shëndetit mendor por ishte i qetë, vetëm këto ditë.

“U bë mirë kohët e fundit. U bë mirë, ishte i qetë. Mbrëmë në darkë nga ora 21:00, morëm vesh që kishte goditur të shoqen dhe të birin. Gjatë natës qëlloi me armë. Sot gjer  tani bam.. bam .. bam…  

Detaje të reja nga fshati Qesarakë i Maliqit. Gazetari i Report TV dhe shqiptarja.com i cili ndodhet në vendngjarje informon se RENEA ka mundur të hyjë në banesë dhe  ndodhet në katin e dytë, ndërsa 62 vjeçari Ramiz Muçollari ndodhet në papafingo. Vijojnë negociatat për tu dorëzuar.

Report TV dhe shqiptarja.com sjell pamjet e para nga fshati Qesarakë ku policia ka rrethuar zonën dhe po negocion me Ramiz Muçollarin për tu vetëdorëzuar.

Mësohet se bashkëshortja, Pëllumbesha Muçollari, 58 vjeçe dhe djali i tij Kamber Muçollari janë në spital jashtë rrezikut për jetën.

Muçollari ka goditur bashkëshorten me thikë në këmbë, ndërsa djalin e ka goditur me mjet të fortë në kokë.

Report TV identifikon 62 vjeçarin i cili ndodhet brenda banesës në fshatin Qesarakë të Maliqit dhe nuk pranon t’i dorëzohet policisë por qëllon me armë drejt saj.
Ai është Ramiz Muçollari.

Policia kishte shkuar atje pasi ishin njoftuar se 62 vjeçari kishte dëmtuar me mjet prerës në këmbë bashkëshorten e tij Pëllumbesha Muçollari 58 vjeçe dhe me mjet të fortë në kokë djalin e tij Kamber Muçollari, 27 vjeç, të cilët aktualisht ndodhen në spitalin e Korçës, në kujdesin e mjekëve.

"Në vendngjarje, kanë mbërritur Forcat Speciale "Renea", të cilët në bashkëpunim me strukturat e DVP Korçë, si dhe shërbimet e Komisariatit të Policisë Maliq, po mbajnë të rrethuar zonën dhe po negociojnë me shtetasin R. M., që ai të dorëzohet, por 62-vjeçari nuk ka pranuar dhe vijon të qëllojë në drejtim të forcave të Policisë" informoi policia e Korçës.

Njoftimi i policisë i shpërndarë në orën 07:30 minuta

Shërbimet e Policisë, janë njoftuar se në fshatin Qesarakë, Maliq, shtetasi R. M., 62 vjeç, kishte dëmtuar me mjet prerës në këmbë bashkëshorten e tij P. M., 58 vjeçe dhe me mjet të fortë në kokë djalin e tij K. M., 27 vjeç, të cilët aktualisht ndodhen në spitalin e Korçës, në kujdesin e mjekëve.

Pas marrjes së këtij njoftimi, menjëherë shërbimet e Policisë kanë shkuar drejt adresës së dhënë, ku kanë konstatuar të mbyllur në banesën e tij autorin e dyshuar R. M., i cili është i armatosur me armë zjarri.

Shërbimet e Policisë kanë mbajtur të rrethuar banesën dhe kanë marrë masa sigurie, pasi 62-vjeçari ka hapur zjarr në drejtim të Policisë lokale.

Në vendngjarje, kanë mbërritur Forcat Speciale "Renea", të cilët në bashkëpunim me strukturat e DVP Korçë, si dhe shërbimet e Komisariatit të Policisë Maliq, po mbajnë të rrethuar zonën dhe po negociojnë me shtetasin R. M., që ai të dorëzohet, por 62-vjeçari nuk ka pranuar dhe vijon të qëllojë në drejtim të forcave të Policisë.

Sipas deklarimeve paraprake të marra familjarëve të tij, dyshohet se shtetasi R. M., vuan nga probleme të shëndetit mendor.

Operacioni për kapjen e tij, po vijon.