POP 5

Lajmet më të lexuara të 5 minutave të fundit

Kronikë

Mallra kontrabandë në Kapshticë, arrestohet doganieri dhe 2 persona të tjerë (EMRAT)

Kalonin mallra kondtrabandë në Kapshticë, në pranga doganieri Romeo Shallo, Theodhor Dhimoshi dhe Artur Zhym

Mallra kontrabandë në Kapshticë, arrestohet doganieri dhe 2 persona të tjerë (EMRAT)

Foto ilustruese

KAPSHTICË- Doganieri Romeo Shallo, Theodor Dhimoshi dhe Artur Zhymi janë vënë në prangat e policisë pasi kaluan mallra kontrabandë.

Në bazë të informacioneve të siguruara në rrugë policore, se në një kamion që kishte hyrë nga Greqia drejt Shqipërisë, nëpërmjet Pikës së Kalimit Kufitar Kapshticë, do të transportoheshin mallra të dyshuara kontrabandë, u organizuan shërbimet e Policisë, të cilat bënë ndalimin e mjetit, në afërsi të fshatit Dishnicë, Korçë.

Gjatë kontrollit të ushtruar në automjetin kamion tip "Man", me drejtues Theodor Dhimoshi dhe porositës të mallit Artur Zhymi u gjetën mallra dhe disa pajisje të dyshuara kontrabandë. Në vijim të veprimeve gjatë kontrollit të ushtruar në banesën e Artur Zhymi u gjetën një sasi tjetër me mallra të dyshuara kontrabandë (veshje dhe atlete) të cilat u sekuestruan në cilësinë e provës materiale.

Gjithashtu, nga hetimet e kryera dyshohet se Romeo Shallo, me detyrë doganier, ka shpërdoruar detyrën, pasi dyshohet se ka lejuar kalimin e kamionit me mallra të dyshuar kontrabandë.

Materialet i kaluan Prokurorisë pranë Gjykatës së Shkallës së Parë Korçë, për veprat penale "Kontrabanda me mallra të tjera"; "Ruajtja ose depozitimi i mallrave kontrabandë" dhe "Shpërdorimi i detyrës".

G.MO/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 5 Shkurt, 10:32

    Informaliteti e nëndeklarimi pagave po dëmtojnë pensionet, sa po luftohen?

Lajme të tjera



×

Lajmi i fundit

Mero Baze: Gjunjëzimi i PD para 'Kandidatit për Kryeministër'

Mero Baze: Gjunjëzimi i PD para 'Kandidatit për Kryeministër'

5 Shkurt, 23:02 nga Mero Baze