POP 5

Lajmet më të lexuara të 5 minutave të fundit

Kronikë

Mamurras/ Rrëshqitje dherash, ura e lumit Droje rrezikon të shembet, banorët: Punimet u bënë pa cilësi (VIDEO)

Edhe pse u rindërtua në 2018-ën, ura e lumit Drojë në Mamurras rrezikon të shembet. Banorët të shqetësuar flasin për rrezikun që u kanoset ndërsa institucionet nuk kanë reaguar. Një sipërfaqe e madhe toke ka rrëshqitur në shtratin e lumit, ndërsa ura ka nisur të lëkundet.

Ura mbi lumin e Drojës në Mamurras rrezikon të shembet për herë të dytë brenda pak vitesh, për shkak të cilësisë së dobët të punimeve. 

Toka ka rrëshqitur pranë këmbëve të urës, ndërsa pjesët mbrojtëse janë shkatërruar pas reshjeve intensive të javës së shkuar.

"Shtrati i lumit Droje është gërryer, e ka bërë të pakalueshme. Ura ka filluar të japë lëkundje të forta. Kjo bllokon të gjithë fshatin. Kompania ka lënë shumë boshllëqe" - thotë një prej banorëve.

Janë rreth 6 mijë banorë të këtij fshati që rrezikojnë të izolohen, ndërsa apelojnë për ndërhyrje urgjente.

"Varrezat janë larg, me çfarë të shkojm,ë deri atje. Rruga është dëmtuar. Dimri nuk ka filluar akoma dhe lumi ka dalë nga shtrati" - u shpreh një banor tjetër.

Ura e Drojës u rindërtua në vitin 2018-të mes bashkëpunimit të Autoritetit Rrugor Shqiptar dhe kompanisë “ANTEA Cement”.

Pavarësisht shqetësimit të banorëve, asnjë institucion nuk ka kryer inspektime në zonë për rrezikun që mbart rrëshqitja e tokës dhe dëmtimi i urës.

1603222355_uraedrojes.jpg

Ura e Drojes, Mamurras

E.M./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça