Manastirliu në Fratar: Transformojmë sistemin shëndetësor, këtë vit rindërtojmë 11 Qendra në Fier

Fratar- Nga Fratari i Mallakastrës, ku u ndal në turin e llogaridhënies publike, Ministrja Manastirliu deklaroi se këtë vit rindërtohen 11 qendra shëndetësore në qarkun e Fierit, për t’i kthyer faqe shërbimit shëndetësor parësor.

Vij në Fratar me dy lajme të mira sa I takon kujdesit shëndetësor bazë. Sapo kemi përmbushur kërkesën e parë dhe të vazhdueshme që banorët e Fratarit kërkonin prej kohësh: Shërbim shëndetësor 24 orë në qendrën shëndetësore. Pas këtij vendimi vjen edhe rikonstruksioni i plotë dhe pajisja e kësaj qendre shëndetësore, një investim shumë i nevojshëm për këtë zonë.

Ogerta Manastirliu, ministre e Shëndetësisë. 

Qendra Shëndetësore e Fratarit i shërben 4800 banorëve, ndërsa shërbimi u urgjencës që tashmë është garantuar 24 orë i shërben rreth 9 mijë banorëve të Fratarit dhe zonave përreth.
Rikonstruksioni i plotë dhe pajisja e qendrës shëndetësore pritet të përfundojë brenda muajit Dhjetor të këtij viti dhe është një investim me vlerë 6.7 milion lekë, thuhet në komunikatën për shtyp të Ministrisë së Shëndetësisë. 

LEXO EDHE:
Financim nga qeveria, do rehabilitohen 5 shkolla në Shkodër, Rama: I ndryshojmë faqe infrastrukturës arsimore

Qeveria shqiptare po investon si asnjëherë më parë në infrastruktuën e kujdesit shëndetësor parësor me rehabilitimin këtë vit të 80 qendrave shëndetësore. Vetëm në qarkun e Fierit, investojmë në 11 qendra shëndetësore gjatë vitit 2018.

Ogerta Manastirliu, ministre e Shëndetësisë.

Programi i Qeverisë parashikon rindërtimin e 300 qendrave shëndetësore dhe pikave të ambulancave në 4 vite.

TAG:
• ogerta manastirliu
• qendra shendetesore
• shendetesia
• fratar

Sondazhi i ditës:

A ka politika frikë nga SPAK-u?

• Po

  68.7%

• Jo

  26.4%

• Nuk e di

  5%

Vota total: 4070

• Sondazhi i ditës:

  A ka politika frikë nga SPAK-u?

  Po Jo Nuk e di