Manastirliu viziton bebet e
para të vitit: 2018 vit i fëmijëve

Ministrja e Shëndetësisë dhe Mbrojtjes Sociale Ogerta Manastirliu vizitoi në mëngjes dy bebet e para të vitit në dy maternitetet e Tiranës ku dhuroi pako të posaçme për të porsalindurit dhe uroi vitin e ri 2018 të sapoardhurve në jetë, familjeve të tyre dhe të gjithë shqiptarëve.

“Një djalë, Laeli, në Maternitetin Koço Gliozheni dhe një vajzë, Nadia në Maternitetin Mbretëresha Geraldinë janë dy fëmijët e parë të vitit, dy fëmijë të shëndetshëm, një ogur i mirë për këtë vit të ri që uroj të jetë i mbarë dhe i begatë për të gjithë shqiptarët”, tha Ministrja Manastirliu.

Viti ka ardhur i mbarë, pasi 9 fëmijë kanë lindur në ditën e parë të vitit në Maternitetin Mbretëresha Gerladinë dhe 7 fëmijë erdhën në jetë në Maternitetin Koço Gliozheni.

LEXO EDHE:
Hapet sot tuneli i Llogarasë, Rama: Vepër historike, do ndryshojë udhëtimin drejt jugut

Sipas Ministres së Shëndetësisë dhe Mbrojtjes Sociale, viti 2018 do të jetë vitit i fëmijëve.

“Për ne fëmijët janë të parët ndaj viti 2018 do të jetë viti i fëmijëve me nisma shumë të rëndësishme të Ministrisë sonë sa i takon mirëushqyerjes dhe shëndetit të fëmijëve”, tha Manastirliu.

Ministrja falënderoi në mënyrë të veçantë mjekët dhe infermierët që kanë qenë në gatishmëri në natën e ndërrimit të viteve dhe garantoi vijimin e shërbimit së përforcuar edhe në ditët në vijim.

Redaksia Online
D.T/Shqiptarja.com

Sondazhi i ditës:

Arrestohet Beqaj, po i përmbush SPAK pritshmëritë në luftën e korrupsionit?

• Po

  53.4%

• Jo

  39.1%

• Nuk e di

  7.5%

Vota total: 133

Votat totale janë unike

• Sondazhi i ditës:

  Arrestohet Beqaj, po i përmbush SPAK pritshmëritë në luftën e korrupsionit?

  Po Jo Nuk e di