Manchester City përmbys Arsenalin
me spektakël dhe ngjitet i dyti

Ndeshja më e fortë e javës në Angli mes Manchester City dhe Arsenalit ka dhuruar spektakël dhe emocione, ndërsa në fund vendasit arritën që të merrnin tre pikët e plota me një përmbysje.
 
Arsenali e nis mjaft mirë ndeshjen duke shënuar që në minutën e 5' me Theo Walcott, por vendasit nuk u dorëzuan duke besuar deri në fund te fitorja.
 
Fillimisht Leroy Sane në të 47' dhe më pas Raheem Sterling në të 71' kthyen rezultatin përballë topcinjve duke fituar sfidën.
 
Fitorja e ngjit Manchester City përkohësisht në vendin e dytë me 36 pikë, por duhet të presë Liverpulin se ka një ndeshje më pak, ndërsa Arsenali zbret në vendin e 4 me 34 pikë.

[gallery]20201[/gallery]