Manchester United vijon mos jetë në formën e duhur, kjo pasi 'Djajtë e Kuq' kanë pësuar humbjen e tretë këtë fillim sezoni. Për raundin e gjashtë në Premier League, Brentford doli fitues me rezultatin 3-1 duke 'zhytur' në krizë Manchester United.

Ndeshja u zhbllokua shpejt nga Brentford, me Igor Thiago që kaloi në epërsi vendasit pas tetë minutave lojë. Asist nga veterani Henderson. Në minutën e 20-të sërish Igor Thiago shënoi golin e dytë për vendasit duke bërë që tifozët të festonin.

Gjashtë minuta më vonë, slloveni Benjamin Sesko shënoi golin e parë me fanellën e Manchester United, por nuk ishte e thënë që miqtë të dilnin me pikë. Bruno Fernandes, kapiteni i Man. United gaboi nga 11 metërshi për herë të dytë këtë sezon, duke shpërdoruar mundësinë që rezultati të barazohej në minutën e 76-të.

Në fund, pas një gabimi në pasim të Mainoo, Brentford kundërsulmoi dhe pasimi final i Yarmolyuk u shfrytëzua nga Jensen, që me vetëm gjashtë minuta në fushë shënoi një gol fantastik nga jashtë zone në shtesën e gjashtë.

Pas eliminimit nga Kupa e Ligës prej Grimsby, Manchester United e sheh veten në krizë edhe në kampionat, teksa pas gjashtë raundesh ka tre humbje, dy fitore dhe një barazim, për vendin e 13-të në kuotën e shtatë pikëve. Po me shtatë pikë Brentford merr vendin e 11-të.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 22 Dhjetor, 10:22

    Klodian Braho merr zyrtarisht detyrën, prisni ndryshim në punën e SPAK?

Lajme të tjera