Mandatet e Rakipit dhe Rehovicës
KQZ vendos kur do të shqyrtohen

Pas dorëzimit të kërkesës për heqjen e mandateve të deputetëve Aqif Rakipi dhe Gledjon Rehovica, pasi preken nga dekriminalizimi, KQZ ka caktuar datën 3 janar për shqyrtimin e kërkesës së Prokurorisë.

Para dy ditësh Prokuroria e Përgjithshme ka kërkuar heqjen e mandateve të Deputetit të PDIU Aqif Rakipit dhe deputetit të LSI, Gledjon Rehovica për shkak se këta të fundit nuk kishin deklaruar në formularin e dekriminalizimit, ndalimin në Itali për vjedhje dhe përdorimin e identiteteve të tjera, ndërkohë ditën e djeshme Prokuroria ka bërë edhe kallëzim për falsifikim formularësh për Rakipin dhe Rehovicën.

Gjithashtu ditën e mërkurë do të shqyrtohet edhe rezultati i verifikimit të Prokurorisë për Kryebashkiakun e Pogradecit Eduart kapri dhe për dy ish-deputetët Mhill Fufi dhe Omer Mamo, të cilët sipas Prokurorisë nuk preken nga ligji i dekriminalizimit.

Komisioni Qendror i Zgjedhjeve, ditën e mërkurë, më datë 03.01.2018, ora 12:00, zhvillon mbledhjen me këtë rend dite:
Shqyrtimi i projekt vendimeve

1.    Për shqyrtimin e rezultatit të verifikimit të Prokurorisë së Përgjithshme për funksionarin publik z.Gledjon Rehovica, deputet i Kuvendit të Shqipërisë, në zbatim të  ligjit nr. 138/2015 “Për garantimin e integritetit të personave që zgjidhen, emërohen ose ushtrojnë funksione publike”.

2.    Për shqyrtimin e rezultatit të verifikimit të Prokurorisë së Përgjithshme për funksionarin publik z.Aqif Rakipi, deputet i Kuvendit të Shqipërisë, në zbatim të  ligjit nr. 138/2015 “Për garantimin e integritetit të personave që zgjidhen, emërohen ose ushtrojnë funksione publike”.

3.    Për shqyrtimin e rezultatit të verifikimit të Prokurorisë së Përgjithshme për funksionarin publik z.Eduart Kapri, Kryetar i Bashkisë Pogradec, në zbatim të  ligjit nr. 138/2015 “Për garantimin e integriteti t të personave që zgjidhen, emërohen ose ushtrojnë funksione publike”.

4.    Për shqyrtimin e rezultatit të verifikimit të Prokurorisë së Përgjithshme për funksionarin publik z.Mhill Fufi, ish-deputet i Kuvendit të Shqipërisë, në zbatim të  ligjit nr. 138/2015 “Për garantimin e integritetit të personave që zgjidhen, emërohen ose ushtrojnë funksione publike”.

5.    Për shqyrtimin e rezultatit të verifikimit të Prokurorisë së Përgjithshme për funksionarin publik z.Omer Mamo, ish- deputet i Kuvendit të Shqipërisë, në zbatim të  ligjit nr. 138/2015 “Për garantimin e integritetit të personave që zgjidhen, emërohen ose ushtrojnë funksione publike”.​

Er.K/Shqiptarja.com

TAG:
• kqz