POP 5

Lajmet më të lexuara të 5 minutave të fundit

Media

Mandati i AMA-s, PS-PD 2 raporte
të ndryshme për punën e Bushatit

Mandati i kryetares së AMA-s, Endira Bushati, vazhdon të shkaktojë debate mes opozitës dhe mazhorancës në Komisionin e Medias. Demokratët dhe mazhoranca kanë dalë me 2 raporte të vecanta për punën e AMA-s gjatë 2013, ku njëra palë e vlerësonte, ndërsa mazhoranca e kritikon. Pritet që raporti i opozitës të rrëzohet me votat e mazhorancës
Mandati i AMA-s, PS-PD 2 raporte<br />të ndryshme për punën e Bushatit
TIRANE - Komisioni i Medias ka diskutuar në mbledhjen e radhës raportin për punën e Autoritetit të Medias Audiovizive, për vitin 2013. Palët kanë qenë të ndara në vlerësimin për punën e AMA-s, deputeti socialist Alfred Peza, kritikoi këtë institucion, duke argumentuar se nuk ka arritur që të përmbushë disa detyrime ligjore, si parandalimi i piraterisë, për të vazhduar me bllokimin e strategjisë për kalimin nga transmetimet analoge në ato numërike. Peza gjithashtu arsyetoi se shkak për bllokimin e punës është përfundimi i mandatit të kryetares dhe disa anëtarëve, cfarë kërkon ndërhyrje për të zgjedhur anëtarët e rinj.

Qëndrim të ndryshëm pati opozita, relatori i raportit deputeti demokrat Luciano Boci, megjithë pengesat e shumta nga mazhoranca e majtë, AMA ka punuar mirë. Boci i bëri thirrje opozitës të ndalojë sulmet ndaj kryetares së AMA-s, Endira Bushati. Por Boçi ra dakort për pjesën që ka të bëjë me përfundimin e mandatit të 3 anëtarëve, duke u bashkuar me mazhorancës se duhet të emërohen 3 anëtarë të rinj.

"Strategjia e kalimit të transmetimeve radio televizive nga analog në numerikë i miratuar gjatë viti 2012 nga Këshilli i Ministrave, nuk arriti të gjejë zbatim e duhur praktik për të futur këtë proces në një rrjedhë konkrete dhe normale, nuk u arrit që të zbatohen ne afatin e duhur plani i veprimit të strategjisë të kalimit të transmetimeve radio televizive nga analoge ne numerike që parashikon masa konkrete, afatet e realizimit si dhe kostot financiare për zbatimin e tyre. AMA gjatë viti 2013 nuk ka bërë përpjekjet e duhura për të realizuar angazhimet dhe objektivat qe lidhen me zbatimin e kuadrit ligjor dhe ecurinë e punës së institucionit. AMA nuk ka arritur që të miratojë apo të zbatojë një sërë vendimesh të tjera  për shkak të ngërçit institucional që është krijuar me vendet vakante të anëtarëve të saj" -  shprehet Peza.

"Prej në dhjetor 2013 me hyrjen në fuqi të ligjit të ri, AMA është ndeshur me pengesa serioze të shkaktuara nga bllokimi nga ana e mazhorancës parlamentare, aktuale të hapjes së procedurës për të plotësuar postet vakante të tre anëtarëve. Te dyja kërkesat janë shpërfillur duke mos krijuar një mosarritje të korumit të domosdoshëm për miratimin e një sër aktesh rregullatore përfshi këtu dhe këshillin e ankesave " - shprehet Boçi

Por në mbledhjen e sotme nuk u miratua asnjë raport, pritet që mazhoranca të rrëzojë raportin e opozitës, dhe të kalojë në kuvend vetëm një raport.
 
Redaksia Online
(Gre.M/Shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

41 mijë familje me mbi 4 anëtarë jetojnë në banesa më pak se 40 metër²

41 mijë familje me mbi 4 anëtarë jetojnë në banesa më pak se 40 metër²

29 Nëntor, 09:14