Manja: Të heshtin gojët e liga, opozita nuk përshëndeti shkarkimin e gjyqtarit me pasuri të dyshimtë

Akuzave të opozitës për vettingun në polici të bërë nga ish gjykatës të shkarkuar nga KLD për korrupsion, mazhoranca u është përgjigjur nëpërmjet kreut të Komisionit të Ligjeve. Nga selia e kuvendit, Ulsi Manja akuzoi opozitën se po hesht për procesin e zbatimit të vettingut, si pjesë e reformës në drejtësi.

Duke iu referuar shkarkimit të gjyqtarit të Kushtetueses Fatos Lulo nga Komisioni i Pavaruar i Kualifikimit, me pretendimin se nuk justifikon pasurinë prej afro gjysmë milionë dollarësh, Manja tha se vettingu tregoi se sita është shumë e hollë edhe  opozita sipas tij s’e ka dashur vettingun që nga dita e parë.

Më 23 mars 2018 vettingu ngriti siparin dhe tregoi se sita është shumë e hollë. Gjatë këtyre ditëve opinioni ka pritur që të reagojë opozita për vettingun. Vreri ndaj opozitës ndaj vettingut mbeti në gojën e mbyllur të Bashës dhe Berishës. Opozita nuk përshëndeti vendimin e parë të KPK që shkarkoi nga detyra gjyqtarin e Kushtetueses, pasi nuk e ka dashur vettingun që nga dita e parë.  Në vendimin e parë të vettingut nuk pashë gjyq politik, pashë një gjykim të tipit modern, “Ja sheshi, ja mejdani”, me rregulla kushtetuese. Duhet të heshtin gojët e liga ndaj vettingut sepse baltosja nuk e frenon pastrimin e drejtësisë. Uroj zbatimin korrekt të vettingut dhe reformës në drejtësi, pasi zërin e opozitës nuk e rregulloj dot se ka kohë që i ka ikur

LEXO EDHE:
Ulsi Manja: Politikë riintegruese për të dënuarit e të paraburgosurit

Ulsi Manja, kryetar i Komisionit të Ligjeve

Ndërsa sot nga selia e PD-së dy deputetët Eneklejd Alibeaj dhe Gent Strazimiri lëshuan akuza edhe një herë në drejtim të qeverisë në lidhje me Vettingun në polici si dhe me dosjen “Tahiri-Habilaj”, për të cilën ata pretendojnë se kanë prova të reja për përgjimet e rrjetit të trafikut të drogës.

TAG:
• fatos lulo
• vettingu
• ULSI MANJA

Sondazhi i ditës:

A ka politika frikë nga SPAK-u?

• Po

  69.3%

• Jo

  26.9%

• Nuk e di

  3.9%

Vota total: 700

• Sondazhi i ditës:

  A ka politika frikë nga SPAK-u?

  Po Jo Nuk e di