Manjola Nallbani këngë kushtuar
100-vjetorit të pavarësisë

Me rastin e 100-vjetorit të pavarësisë shumë artistë kanë nisur të prodhojnë materiale të ndryshme muzikore për këtë event. Një prej tyre është edhe këngëtarja e famshme shqiptare Manjola Nallbani, e cila do të sjellë shpejti një këngë të re me këtë tematikë.

“Të bëja një këngë për Shqipërinë ka qenë një dëshirë e imja e hershme, por që ndoshta rastësisht apo simbolikisht u realizua tani. Gjithsesi, është normale që në këtë jubile, të ketë krijimtari të re kushtuar Shqipërisë apo 100-vjetorit të pavarësisë dhe e rëndësishme është që nga të gjitha këto krijime, në mos të gjitha, disa do të jenë me vlera për t’iu shtuar fondit të muzikës shqiptare”, është shprehur Nallbani.

Manjola Nallbani është një emër i mirënjohur dhe i dashur i muzikës shqiptare.(xh.k/shqiptarja.com)