POP 5

Lajmet më të lexuara të 5 minutave të fundit

Sport

‘Manovra me pagat’, Juventusi rrezikon tjetër dënim! Iu ulën 15 pikë se shkeli nenin 4 për ndershmërinë në sport! Yjet mund të largohen nga Torino

Penalizimi me 15 pikë për mashtrim finnaciar duket sikur nuk do të jetë i vetmi për Juventusin. Për bardhezinjtë ka edhe hetime të tjera siç është ai për manovrat me pagat që mund të sjellë tjetër ndëshkim. Juventusi u penalizua pasi kishte ngritur një sistem të tërë mashtrimi dhe shkeli nenin 4 të drejtësisë sportive që ka të bëjë me parimin e ndershmërisë në aktivitetin sportive.

Penalizimi me 15 pikë në renditjen e kampionatit aktual për mashtrim financiar mund të jetë vetëm fillimi për Juventusin. Procesi ndaj bardhezinjve do të jetë i gjatë dhe në axhenda ka edhe hetime të tjera për skuadrën italiane, ku më kryesorja që mund ta “groposë” për manovrimin me pagat e futbollistëve. Kjo është çështja që mund të gjunjëzojë “Zonjën e vjetër” jo vetëm se mund ta penalizojë sërish me pikë në klasifikim por edhe mund ta dëmtojë më shumë ekonomikisht.

Në sezonet 2019-2020 dhe sezonin pasardhës 2020-2021 Juventusi shtyu një pjesë të pagesave për futbollistët duke bërë që lojtarët të nënshkruanin fillimisht sikur hiqnin dorë nga ato pagesa e më pas firmosën marrëveshje për t’u shlyer. Dhe këtu më e rënda ishte se Federata italiane nuk ishte njoftuar. Por pse u penalizua vetëm Juventusi dhe jo edhe skuadrat e tjera që ishin të përfshira në hetime? Bardhezinjtë shkelën nenin 4 të besnikërisë sportive.  Ishte ndërtuar ai që njihet si sistemi “Juventus” që do të thotë se drejtuesit e kaluar të bardhezinjve që janë pezulluar, po ashtu e kishin të përsëritur mashtrimin financiar.

Neni 4 I besnikërisë sportive thotë ekzaktësisht se “parimet e besnikërisë, korrektësisë dhe ndershmërisë në çdo marrëdhënie duhet të jenë të pranishme në çdo aktivitet sportiv”. Shkelja e këtij neni siç bëri Juventusi penalizohet me pikë. Vendimi i Gjykatës së Apelit në Federatën italine është një goditje shumë e madhe në aspektin sportiv. Juventusi zbret në renditje nga vendi i 3-të në të 10-tin e nga 37 në 22 pikë shumë larg zonës Champions e asaj europiane. Kjo mund të bëjë që sezonin e ardhshëm yjet e skuadrës të largohen.

Nga ana tjetër futbollistët e trajneri po mundohen të mendojnë vetëm për atë që ndodh në fushën e lojës. Max Allegri ka thënë se është momenti për të qënë bashkë dhe se me 15 pikët minus për skuadrën nuk ndryshon asgjë.

K.T./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça