Shkupi është lëkundur sërish sot nga disa tërmete me fuqi 2.3 dhe 3.7 ballë të shkallës rihter.
 
Epiqendra e tërmeteve që lëkundën Shkupin rreth orës  11:50 dhe 14:19 ka qenë në afërsi të fshatit Haraçinë.
 
Lëkundjet kanë zgjatur pak sekonda duke rikthyer ankthin dhe shqetësimin e banorëve të kryeqytetit maqedonas.
 
Megjithatë nga lëvizjet sizmike nuk raportohen të lënduar apo për dëme materiale.
 
Lëkundjet e sotme vijnë pas atyre të ditës së djeshme me fuqi 5.2 ballë sërish në Shkup ku shkaktuan dëme materiale dhe disa nga banorët mbetën pa strehë. 


d.b/shqiptarja.com