Maqedonia e Veriut/ Ish Ministrja e Brendshme do të vuaj dënimin me 4 vite burg për rastin ‘Tanku’

Ish-ministrja e Brendshme në Maqedoninë e Veriut, Gordana Jankullovska është dërguar në burgun e Idrizovës ku do të vuaj dënimin me 4 vite burg për rastin “Tanku”.  

Vendimi për burgosjen e saj u dha nga Gjykata Penale e Shkupit në vitin 2018 për blerjen e diskutueshme të një makine "Mercedes" të blinduar me vlerë 600 mijë euro me urdhër të kryeministrit të atëhershëm Nikolla Gruevski.

Vuajtja e dënimit ishte shtyrë deri në vendimin përfundimtar të Gjykatës së Apelit, e cila ka hedhur poshtë ankimimin e ish ministres.

Gordana Jankullovska është zyrtarja e parë e qeverisë së mëparshme në Maqedoninë e Veriut që përfundon prapa hekurave dhe tanimë ka nisur të shlyej dënimin e saj me karantinim në qeli larg nga të burgosurit e tjerë.

Jankullovska ka qenë një nga protagonistet kryesore në skandalin e përgjimeve lidhur me abuzimet e zyrtarëve të qeverisë së Nikolla Gruevskit, i arratisur në Hungari pasi ishte dënuar me dy vjet heqje lirie për një vepër penale.

Në disa nga bisedat e publikuara në vitet 2013-2014 nga ish-lideri i atëhershëm i opozitës, Zoran Zaev, tani kryeministër, Jankullovska dëgjohej duke drejtuar fyerje të rënda ndaj shqiptarëve, duke i quajtur edhe “indianë”.

Në një nga bisedat e publikuara, ajo kishte pranuar se në burg po qëndronin pa asnjë faj mbi dhjetë banorë shqiptarë të Sopotit në Kumanovë, të akuzuar për shpërthimin e një mine në këtë fshat nga e cila kishin humbur jetën dy pjesëtarë të NATO-s.

Këta banorë më vonë janë liruar nga burgu si të pafajshëm, por për shpërthimin dhe vdekjen e dy pjesëtarëve të NATO-s, ende nuk ka asnjë të dyshuar.

I.C./B.K./Shqiptarja.com
  • Sondazhi i ditës:

    Universitetet mësim online dhe mbyllen konviktet, ju duket i drejtë vendimi i Komitetit të ekspertëve?

Komento

Komente

  • Genci: 01/10/2020 00:21

    Kjo mostra duhet të burgoset përjetësisht, dhe jo vetëm kjo por shumë të tjerë, për ato që kan bërë kundra shqiptarëve për gjat gjith shekullit të kaluar...

    Përgjigju
  • ERP: 29/09/2020 18:15

    Kjo me kete surrat si monster. Nje komb qe nuk egziston!

    Përgjigju


×

Lajmi i fundit

John

Meta shpërthen ndaj Ramës: Qen bir qeni, ka të bëjë me një president nga Skrapari