POP 5

Lajmet më të lexuara të 5 minutave të fundit

Politikë

Marko Dajti: Bustin e Enver
Hoxhës e vëmë patjetër në Tiranë

Kryetari i Partisë së Punës së Rindërtuar Marko Dajti ka mohuar të ketë pasur marrëveshje me demokratët për vendosjen e bustit të Enver Hoxhës në kryeqytet, por ai thotë se ka të drejtën morale ta kërkojë prej tyre një gjë të tillë.
Marko Dajti: Bustin e Enver<br />Hoxhës e vëmë patjetër në Tiranë
TIRANE - Kryetari i Partisë së Punës së Rindërtuar Marko Dajti ka mohuar të ketë pasur marrëveshje me demokratët për vendosjen e bustit të Enver Hoxhës në kryeqytet, por ai thotë se ka të drejtën morale ta kërkojë prej tyre një gjë të tillë. “Ne s’kemi marrëveshje me PD, por mund të themi se nëse Lulzim Basha është kreu i bashkisë së Tiranës ai është me votat tona e me kontributin e komunistëve.

Deshëm ne që të bëhej rotacioni në krye të bashkisë së Tiranës dhe u bë. Ndaj kërkojmë nga Njazi Kosovrasti që të zbatojë ligjin dhe të mbledhë këshillin bashkiak për ta votuar kërkesën tonë”, ka deklaruar Marko Dajti për “Shqiptarja.com”.

Sipas tij është shumë e rëndësishme që të votohet, dhe nëse është vendim negativ, atëherë do gjejnë mundësinë për ta vendosur diku shtatoren e Enver Hoxhës, me vendim ose jo pasi këtë e kërkojnë shqiptarët, sepse është një figurë që ka bërë shumë për Shqipërinë.

“Ne do ta gjejmë një shesh për bustin e Enver Hoxhës, pavarësisht vendimit të Këshillit Bashkiak të Tiranës. Donim të rivendosej aty ku ka qënë në Sheshin “Skënderbej”, por ai do vendoset patjetër diku. Ai i takon gjithë shqiptarëve pasi e bëri të njohur emrin e Shqipërisë në botë duke e ngritur në nivelet më të larta.

Në vitin 1960 Shqipëria doli nga Traktati i Varshavës, ku i vetëm arriti që të heqë bazat sovjetike dhe të Trakatatit të Varshavës nga brigjet e Adriatikut, një kërcënim real për tërë vendet e NATO-s, njëlloj siç bëri Skënderbeu pesë shekuj më parë që mbrojti krishtërimin nga invazioni turk”, thotë Dajti.

I cili përpos këtyre kontributeve të Enver Hoxhës renditi udhëheqjen që i bëri Luftës Antifashiste Nacionalçlirimtare, ngritjen nga zero të arsimit, shëndetësisë në Shqipëri dhe ndryshime të tjera të rëndësishme sipas tij, duke filluar nga elektrifikimi i vendit e deri tek ngritja e klasës së intelektualëve në vend.

“Prandaj duhet vënë busti i Enver Hoxhës në sheshin Skënderbej, madje më i madh se ka qënë dikur. Të më falin ish-të dënuarit në atë kohë, po politika e këtyre viteve nuk ka dashur të hapë dosjet. Madje ne kemi kërkuar që të shihen gjykimet e ish-të përndjekurve politikë, për të parë se cilët janë dënuar padrejtësisht, që do të shërbejë më pas për të hapur dosjet për ata që i kanë dënuar në atë kohë, kanë dalë dëshmitarë përmes akuzash të rreme.

Që më 1981 Enver Hoxha e ka dënuar ashpër politikën e disa servilëve e shërbëtorëve të të huajve që dënonin me të padrejtë thjeshtë për të bërë të pakënaqur dhe për të sabotuar vendin”, tha Dajti. Që s’ka munguar të kërkojë sërish vendosjen e bustit të Enver Hoxhës në sheshin qendror të kryeqytetit, madje më të madh se ka qenë dhe këtë e sheh si një detyrim nga ana e mazhorancës, që sipas tij i kanë dhënë pas 11 vitesh postin e kryetarit të Bashkisë së Tiranës, dhe jo pak por duke rrëzuar kreun e PS Edi Rama në favor të Lulzim Bashës.

Njëherësh ai mohon të ketë thënë se po përgatit dosje për kreun e këshillit bashkiak Njazi Kosovrasti. “Nuk kam deklaruar se ka dosje Kosovrasti. Jam sekretar i parë i PPR. Komunistët kurrë dosjet e bashkëpunëtorëve të ngushtë dhe të ndershëm nuk i kanë treguar dhe publikuar. Kanë dhënë dhe jetën madje dhe nuk kanë treguar dhe për këtë kanë dhënë prova”, tha Dajti. Duke mohuar të ketë qenë thënia e tij ajo që u publikua.

Shkrimi u botua sot në gazetën Shqiptarja.com (print) 28.02.2013

Redaksi Online
(b.m.shqiptarja.com)

  • Sondazhi i ditës:
    26 Nëntor, 23:23

    A po japin rezultat protestat e PD-së?

Lajme të tjera



×

Lajmi i fundit

Lufta e Izraelit me Hezbollahun/ Hyn në fuqi armëpushimi, festë në rrugët e Bejrutit

Lufta e Izraelit me Hezbollahun/ Hyn në fuqi armëpushimi, festë në rrugët e Bejrutit

27 Nëntor, 07:26