Marko Gjuriçit i ndalohet sërish hyrja në Kosovë: Vendim skandaloz nga Prishtina

Marko Gjuriç

SERBI- Kreut të së ashtuquajturës Zyra e Qeverisë Serbe për Kosovën, Marko Gjuriç, i është ndaluar hyrja në Kosovë ditën e sotme.

Pak pas orës 15:00, Gjuriçit iu urdhërua të kthehej nga pika kufitare e Jarinjës.

Në një deklaratë, vetë Gjuriç është shprehur se se vizita e tij ishte paralajmëruar ashtu siç edhe parashtrohet me marrëveshjen e Brukselit.

Ky është një vendim skandaloz nga ana e Prishtinës, në kundërshtim me të gjitha marrëveshjet dhe parimet elementare të lirisë së lëvizjes.

Marko Gjuriç

Ai tha se menjëherë pas kthimit në Beograd dhe pas konsultimit me presidentin Aleksandar Vuçiç, do të informojë publikun për arsyet e presioneve të ushtruara ndaj palës serbe gjatë ditëve të fundit.

Kjo nuk është hera e parë që zyrtarit serb i mohohet hyrja në territorin e Kosovës. Më 26 mars ai ka hyrë pa leje dhe si rrjedhojë është arrestuar nga forcat policore të Kosovës dhe ato të KFOR-it.

  • Sondazhi i ditës:

    Aksidentet përgjakin rrugët, 73 ngjarje me 15 viktima në 13 ditë. A ka ardhur koha e hartimit të një strategjie nga specialistët për reduktimin e numrit të aksidenteve?

Komento


×

Lajmi i fundit

John

Shkon në 7 numri i personave të arrestuar për sulmin me armë ndaj hotel 'Voloreka'! Policia: Kishin për qëllim të vrisnin djalin e pronarit