Marrëveshja Kurti-Vuçiç, Ambasadori Hill: Serbia e ka përqafuar të ardhmen evropiane, por ka ende shumë punë për të bërë

Ambasadori amerikan në Serbi, Christopher Hill, ka reaguar pas arritjes së marrëveshjes mes Kosovës dhe Serbisë. Hill ka thënë se rezultati më i rëndësishëm i negociatave është se Serbia e ka përqafuar të ardhmen evropiane.

Hill shkruan se ka ende shumë punë përpara, por SHBA do jetë në krah të dy vendeve.

“Rezultati më i rëndësishëm nga bisedimet e Ohrit, Serbia ka përqafuar të ardhmen e saj evropiane dhe një plan të qartë se si të arrijë atje. Një vendim që kërkon mençuri, integritet dhe guxim. Mbetet shumë punë dhe Shtetet e Bashkuara do të jenë me ju në çdo hap të rrugës”, shkruan Hill.

Lajmi kryesor:

Marrëveshja në Ohër, publikohet nga BE teksti! Kurti: Njohje 'de facto' nga Serbia! Vuçiç: S'mund të nënshkruajmë marrëveshje juridike ndërkombëtare me Kosovën

SI.E./Shqiptarja.com

TAG:
• kosove serbi
• Marrëveshje Kosovë Serbi në Ohër
• Albin Kurti