POP 5

Lajmet më të lexuara të 5 minutave të fundit

Sociale

Marrëveshja me Italinë, kampi i emigrantëve ende nuk është gati për t’u testuar! Në Gjadër vijojnë punimet, pa afat përfundimi (VIDEO)

Kampi i emigrantëve në Gjadër e Shëngjin nuk është ende gati për t’u testuar. Ndonëse ishte parashikuar data 20 gusht për kryerjen e kësaj procedure, në Gjadër vijojnë ende punimet për t’u bërë gati sa më shpejt për pritjen e emigrantëve.

LEZHË- 10 ditë para çeljes së kampit të emigrantëve në Gjadër të Lezhës, në kantier kanë mbërritur një grup inxhinierësh italianë, të cilët inspektuan punimet.

Gjatë vizitës në Shqipëri, pak muaj më parë Kryeministja italiane Giorgia Meloni kishte premtuar se punimet përfundojnë më datë 1 shtator. Burimet thanë se grupi i inxhinierëve do të bëje një realacion nëse kampi është gati dhe plotëson të gjitha kushtet për pritjen e refugjatëve në shtator.

Nërkohë, është publikuar disa ditë më parë edhe një rregullore e brendshme për punonjësit e qendrës me 14 urdhëresa në total, për sjelljen apo raportin që duhet të kenë me popullin shqiptar gjatë qëndrimit të tyre apo ndërveprimit për shkak të punës.

Punonjësit italianë udhëzohen posaçërisht të mos flirtojnë me gratë shqiptare, pasi sipas rregullores burrat e tyre në rast se do të shohin apo marrin vesh diçka të tillë mund të reagojnë keq, duke e konsideruar shoqërinë shqiptare dhe kryesisht komunitetin në veri të vendit një shoqëri konservatore.

Sipas marrëveshjes me Italinë të nënshkruar mes dy qeverive më 6 nëntor 2023, porti i zbarkimit të refugjateve nga vendet e treta do të jetë Shëngjini, ku është ngritur qendra pritëse, ndërsa në Gjadër po ndërtohet kampi ku emigrantët do të qëndrojnë deri në shqyrtimin e kërkesave për azil.

Kapaciteti maksimal është 3 mijë emigrantë në muaj dhe në përfundim të procedurave të vlerësimit autoritetet italiane do të largojnë me shpenzimet e tyre refugjatet nga territori shqiptar.

 

SI.E./G.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Toni: 23/08/2024 05:52

    Pra ka 2 kampe...

    Përgjigju
  • Breshka: 20/08/2024 14:18

    Ca pret nga ato qe hajne breshka! Ska si nordiket edhe vende te Tjera

    Përgjigju
  • nje hidraulik: 20/08/2024 09:38

    Po marreveshja per njohjen e pensioneve kur hyn ne fuqi, apo kurr ?

    Përgjigju
  • Sondazhi i ditës: 8 Janar, 21:20

    Berisha kundër uljes së çmimit të energjisë elektrike, si iu duket?

Lajme të tjera



×

Lajmi i fundit

VIDEO/ Shqiptari hero bën xhiron e mediave në Britaninë e Madhe, shpëton gruan nga përmbytjet në Leicestershire (EMRI)

VIDEO/ Shqiptari hero bën xhiron e mediave në Britaninë e Madhe, shpëton gruan nga përmbytjet në Leicestershire (EMRI)

9 Janar, 22:49