POP 5

Lajmet më të lexuara të 5 minutave të fundit

Politikë

Marrëveshja me Italinë për emigrantët, Kushtetuesja shtyn seancën për në 29 janar! Deputetët e opozitës paraqesin kërkesën për prova të reja

Gjykata Kushtetuese ka shtyrë për në datën 29 janar seancën ku shqyrtohet kërkesa e 30 deputetëve opozitarë kundër marrëveshjes me Italinë për emigrantët. Në njoftim theksohet se deputetët opozitarë kanë dorëzuar kërkesën për prova të reja. 

Marrëveshja me Italinë për emigrantët, Kushtetuesja shtyn seancën për në 29 janar! Deputetët e opozitës paraqesin kërkesën për prova të reja

TIRANË- Gjykata Kushtetuese ka shtyrë për në datën 29 janar vendimin për seancën ku po shqyrtohet kërkesa e 30 deputetëve të opozitës kundër marrëveshjes me Italinë për emigrantët.

Në njoftimin e publikuar për mediat, Gjykata Kushtetuese thekson se në datën 23 janar, deputetët që paraqitën kërkesën për rrëzimin e marrëveshjes, kanë dorëzuar kërkesën edhe për disa prova shtesë lidhur me marrëveshjen.

Gjatë shqyrtimit, Gjykata Kushtetuese konstatoi se në datën 23.01.2024, ora 15:55, kërkuesi ka paraqitur parashtrime shtesë me shkrim, në përmbajtje të të cilave kërkohej edhe marrje e disa provave. Parashtrimet shtese iu komunikuan për dijeni subjekteve të interesuara në datën 24.01.2024, ora 9:30.

Në këto rrethana, Gjykata bazuar në nenet 43 pika 1 shkronja “ë” dhe 44/a të ligjit organik të saj, që parashikon të drejtën e palëve të kundërshtojnë kërkesat, përfundimet dhe shpjegimet e palëve të tjera, vendosi të shtyjë seancën gjyqësore të radhës në datën 29.01.2024, ora 10.00"- thuhet në njoftimin e Kushtetueses. 

Kujtojmë se më 18 janar, seanca me dyer të mbyllura në Gjykatën Kushtetuese u shty për në datën 24 janar pasi institucioni i kërkoi qeverisë si provë Traktatin e Miqësisë me Italinë në vitin 1995.  Ndërkohë ditën e sotme, Dhoma e Deputetëve në Parlamentin italian miratoi marrëveshjen me 155 vota pro. 

Drafti për marrëveshjen për emigrantët, u miratua në qeverinë italiane në 5 dhjetor 2023 dhe u dërgua në parlamentin italian për miratim. Më 6 nëntor 2023 kryeministri Edi Rama dhe kryeministrja italiane Giorgia Meloni nënshkruan në Romë marrëveshjen për ndërtimin në Shqipëri të dy qendrave për strehimin e emigrantëve. Sipas marrëveshjes porti i zbarkimit do të jetë Shëngjini, ndërsa Gjadri do të jetë kampi ku do të ndërtohet vendqëndrimi i tyre. Kapaciteti maksimal pritës është 3 mijë shtretër.

B.V/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    A jeni dakord me vendimin e gjykatës për detyrim paraqitje të Berishës?

Lajme të tjera



×

Lajmi i fundit

Interi propozon shkëmbimin e Kristjan Asllanit me talentin e Serie A

Interi propozon shkëmbimin e Kristjan Asllanit me talentin e Serie A

5 Janar, 22:54