Marrëveshja me Italinë për emigrantët në fuqi për 5 vite, rinovohet në heshtje nëse nuk kërkohet ndërprerje

Sipas marrëveshjes mes qeverisë shqiptare dhe asaj italiane, për sjelljen në Shqipëri të mijëra refugjatëve dhe azilkërkuesve afati i qëndrimit të emigrantëve në territorin e Republikës së Shqipërisë, nuk mund të jetë më i gjatë sesa periudha maksimale e lejuar nga legjislacioni përkatës italian. Autoritetet italiane, në përfundim të procedurave të kryera në përputhje me legjislacionin italian, do të kryejnë largimin e migrantëve nga territori shqiptar. Sipas nenit 13 rë marrëveshjes, nëse ndonjëra nga palët nuk komunikon të paktën gjashtë muaj përpara afatit të përfundimit qëllimin e saj për të mos e rinovuar këtë protokoll, ky i fundit do të rinovohet në formë të heshtur për një periudhë tjetër 5-vjeçare.

“Protokolli do të mbetet në fuqi për 5 vjet. Me përjashtim të rasteve kur njëra nga palët i komunikon me paralajmërim të paktën gjashtë muaj përpara afatit të përfundimit qëllimin e saj për të mos e rinovuar këtë protokoll, ky i fundit do të rinovohet në formë të heshtur për një periudhë tjetër 5-vjeçare. Çdo njëra nga palët, në çdo moment mund të denoncojë këtë protokoll me njoftim paraprak me shkrim prej 6 (gjashtë) muajsh. Denoncimi përmban edhe shkaqet për të cilat duhet të informohet pala tjetër. Protokolli mund të denoncohet jo më parë se të ketë kaluar 1 vit nga hyrja e tij në fuqi", thuhet ndër të tjera në protokoll.

LEXO EDHE:
Rama mbledh sot deputetët e ministrat në Kryesinë e Kuvendit! Prezantohet nisma e re kombëtare për 'Shqipërinë 2030'

Lajmi kryesor:

E PLOTË/ Zbardhet marrëveshja 5-vjeçare për kampin e emigrantëve në Gjadër! Italia do t’i paguajë Shqipërisë 16.5 milionë euro brenda një 3-mujori (14 nenet)

B.K/Shqiptarja.com

TAG:
• itali
• marreveshje me italine per emigrantet
• edi rama
• giorgia meloni