POP 5

Lajmet më të lexuara të 5 minutave të fundit

Sport

Marrëveshja mes UEFA-s dhe ECA-s, Champions League do zgjerohet duke filluar nga viti 2024 (VIDEO)

Champions League duke filluar nga sezoni 2024 ka shumë gjasë që të zgjerohet duke mos qenë më me 32 skuadra.

Duke filluar nga viti 2024, me shumë mundësi Champions League do të zgjerojë numrin e ekipeve që do të marrin pjesë në fazën finale, që aktualisht është me 32 skuadra. Sipas ‘The Times’ plani është që të shtohen katër ndeshje për secilin ekip, që do të thotë se skuadra që fiton trofeun nuk e bën më diçka të tillë me 13 ndeshje, por me 17.

Sipas këtij burimi Shoqata e Klubeve Europiane ECA dhe drejtues të lartë të UEFA-s janë afër arritjes së marrëveshjes, e cila mund të bëhet publike në muajt e ardhshëm. Edhe pse nuk është ende e konfirmuar thuhet se katër ndeshjet shtesë do të luhen brenda fazës së grupeve ose do të shtohet një tjetër raund para se të nisë faza me eliminim direkt.

Formati i ri ka të ngjarë të pëlqehet shumë nga klubet ‘big’ të cilët pretendojnë se ky zgjerim do të rrisë të ardhurat.

Hipotezat janë që UEFA të vendosë për një Champions me tetë grupe me nga katër skuadra secila, ose me gjashtë grupe me gjashtë skuadra secila, në mënyrë që të shtohen katër ndeshjet për secilën skuadër. Ndërkohë gjithashtu një hipotezë është që të shtohet një tjetër fazë me grupe pas asaj që njihet tradicionalisht, potencialisht me tetë çerekfinalistë që do të ndahen në dy grupe.

Dy skuadrat që kualifikohen të parat në secilin grup do të kalojnë në gjysmëfinale dhe automatikisht do të jenë pjesmarrëse sezonin e ardhshëm pavarësisht vendit që do të zënë në kampionat.

Këto ide thuhet se vijnë për të parandaluar Real Madrid dhe FIFA-n të cilët kanë në plan organizimin e një Superlige Botërore.

 

Ne.k./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    Si ka qenë për ju viti 2024?

Lajme të tjera



×

Lajmi i fundit

Këlliçi në SPAK, Valteri: I implikuar edhe me bursa në call center! Do japë llogari, ishte aq i shqetësuar sa aludoi edhe ndarjen

Këlliçi në SPAK, Valteri: I implikuar edhe me bursa në call center! Do japë llogari, ishte aq i shqetësuar sa aludoi edhe ndarjen

26 Dhjetor, 23:06