Dy qendrat pritëse për akomodimin e emigrantëve do të ngrihen në dy zona të përcaktuara: njëra në bregdetin e Shëngjinit dhe tjetra në Gjadër, 20 km larg këtij bregdeti. Fjala është për ata migrantë, që kapen nga autoritetet italiane në det, para se të shkelin brigjet italiane. Nga kjo kategori përjashtohen gratë shtatzëna, fëmijët dhe persona vulnerabël për arsye shëndetësore.
Zona në përdorim pa kundër-shpërblim
"Palës italiane i jepet vetëm e drejta e përdorimit të zonave të përcaktuara pa kundër-shpërblim. Zonat do të menaxhohen tërësisht nga pala italiane, sipas juridiksionit të shtetit italian, që do të jetë përgjegjës për zgjidhjen e mosmarrëveshjeve që mund të lindin brenda këtyre zonave”, tha Ministri Brendshëm Balla për DW.
Ai theksoi se "në marrëveshje është dakortësuar që numri total i migrantëve të pranishëm në këto zona nuk do të kalojë shifrën 3 mijë vetëve” Por burime zyrtare kanë bërë me dije se gjatë një viti numri i tyre mund të arrijë deri në 36 mijë.
Sa kohë do të qëndrojnë emigrantët në Shqipëri?
Kjo ende nuk dihet. Koha do të varet nga zgjatja e procedurave të shtetit italian.
"Migrantët do të akomodohen në strukturat pritëse vetëm me qëllimin e kryerjes së procedurave kufitare të riatdhesimit dhe pas përfundimit të tyre do të nxirren jashtë territorit të Shqipërisë, thotë Ministri Brendshëm Balla. Afati maksimal i qëndrimit të tryre do të jetë në përputhje me afatin e përcaktuar në legjislacionin italian për këto procedura,” thotë Ministri Brendshëm Balla.
Sipas tij "transporti në territorin e Shqipërisë dhe shoqërimi i emigrantëve pas përfundimit të procedurave jashtë këtij territori do të kryhet nga pala italiane me mjetet e saj”, thekson ai. Shqipëria në marrëveshje ka vetëm të drejtën për të marrë të dhënat e migrantëve që do të hyjnë në territorin e saj.
Siguria publike
Partia Demokratike, (PD) më e madhja në opozitën e Shqipërisë ka kërkuar interpelancë në Parlament lidhur me marrëveshjen Rama-Meloni. Sipas saj kjo marrëveshje cënon sigurinë publike dhe nuk ka transparencë.
"Siguria brenda zonave të përcaktuara në marrëveshje do të garantohet nga pala italiane, që ka detyrimin për të ruajtur rendin dhe sigurinë publike në perimetrin e brendshëm. Pala shqiptare angazhohet të ruajë rendin dhe sigurinë në perimetrin e jashtëm si edhe gjatë transportit të migrantëve nga njëra zonë në tjetrën. Pala shqiptare ka rezervuar të drejtën për të pasur akses në zona vetëm në rast rreziku potencial, që do të kërkojë ndërhyrje të menjëhershme”, tha Ministri Balla për DW.
Në Gjadër do të akomodohen vetëm ata emigrantë azilkërkues që do të riatdhesohen. "Migrantët nuk do të lejohen të dalin jashtë zonave të caktuara gjatë gjithë kohëzgjatjes së qëndrimit në territorin shqiptar”, sqaron ministri Brendshëm Balla. Sipas tij të "gjitha shpenzimet për ngritjen e qendrave dhe infrastrukturës së tyre në zonat e caktuara lidhur me sigurinë do të mbulohen 100 përqind nga pala italiane.”/DW
Komente
Lajme të tjera
-
Balla takim me punëtorët shqiptarë në Toskana: Deri në Pashkë shpresojmë të arrijmë marrëveshjen për njohjen e pensioneve! Merrni pjesë në votime
21 Dhjetor, 17:10 -
Dita Kombëtare e Diasporës/ Ministri Balla: Duhet t'i garantojmë çdo fëmije me prindër shqiptarë që të mësojë shqipen
18 Dhjetor, 16:07 -
'Albania', fjala më përdorur në Itali për 2024-ën
18 Dhjetor, 15:59 -
EKSKLUZIVE/ Qeveria në lëvizje për të ndihmuar këngëtaren Parashqevi Simaku! Balla kontakte me Konsullatën në Nju Jork për t'i siguruar pasaportë
18 Dhjetor, 14:33
-
Dita Ndërkombëtare e Emigrantëve, Balla: Mirënjohje shqiptarëve që 33 vjet më parë u nisën në kërkim të një jete më të mirë
18 Dhjetor, 12:51 -
Marrëveshja për emigrantët në GJED, Meloni i kërkon Gjyqtarëve të BE-së të hedhin poshtë kundërshtimet për kampin në Gjadër
17 Dhjetor, 13:26 -
Projektligji i PS-së për faljen e gjobave kalon në komisione, amnisti dhe për ndërtimet individuale pa leje në fshat e qytet në 10 vitet e fundit
17 Dhjetor, 11:38 -
Balla pret Presidentin e Institutit Italian për Kujdesin e Punëtorëve, në fokus të drejtat e punëmarrësve shqiptarë në Itali
6 Dhjetor, 14:23 -
Itali/ Senati voton dekretin 'Meloni' për emigrantët, Kryeministrja: Marrëveshja me Shqipërinë për emigrantët do të funksionojë
4 Dhjetor, 15:09
-
Sfidat e procesit të zbatimit të rekomandimeve nga institucionet e pavarura, Balla: Zbatueshmëria është në rritje, të adresojmë problemet!
4 Dhjetor, 15:03 -
Meloni e bindur: Marrëveshja me Shqipërinë për emigrantët do të funksionojë! Projekt inovativ që mori vëmendjen e BE
4 Dhjetor, 07:42 -
Berisha kërkoi 1 minutë heshtje për profesor Repishtin, Balla e 'shigjeton': Fyerje, vite më parë e akuzove si spiun të Sigurimit (VIDEO)
3 Dhjetor, 16:48
Politika eshte interes. Ne nje marrveshje palet mbrojne interesat e tyre dh perpiqen te marrin maximumin e mundshem. Te thuash dhe bile te mburresh qe e bene falas kjo tregon papergjegjshmeri dhe paaftesi profesionale. Arritja e kesaj marrveshje behet per perfitime personale te kryeministrit ne dem te interesit kombetar. Ne jo vetem qe nuk jemi serioz por behemi dhe qesharak ne syte e botes. Shikoni c'bene turqia me EU per refugjatet. Shpresoj qe ne shqiperi ka akoma atdhetare qe mbrojne interesat kombetare dhe nuk lejojne zbatimin e kesaj marrveshje qe jo vetem eshte poshteruse por dhe e turpshme. Ka ardhur koha ti tregohet vendi papergjegjshmeris se kryeministrit dhe shpures se tij te korruptuar. Ka ardhur koha,bile ka kaluar qe Shqiperia te behet nje shtet serioz dhe te mbroj interesat e saj dhe jo te bej qoka lart e poshte sipas tekave te atij qe rasti e bene te jet kryeministri i rradhes.
Përgjigju