Marrëveshja për 'Zgjedhoren'/ Ish- deputeti i LSI: Gjellë bajate nga Vasili, Bylykbashi, Gjiknuri! Uroj që kërkesat e opozitës së re të mos jenë flakë kashte

Marrëveshja për 'Zgjedhoren'/ Ish- deputeti i LSI: Gjellë bajate nga Vasili, Bylykbashi, Gjiknuri! Uroj që kërkesat e opozitës së re të mos jenë flakë kashte

Ish- deputeti i LSI-së, Lefter Koka

TIRANË- Ish- deputeti i LSI-së, Lefter Koka, i cili nuk dorëzoi mandatin, ka dalë kundër marrëveshjes së firmosur për Reformën Zgjedhore, duke e cilësuar si një "gjellë bajate e gatuar nga Vasili, Bylykbashi, Gjiknuri".

Ai i ka dalur hapur në krahë opozitës së re, në kërkesat e tyre për ndryshim sistemi dhe listat të hapur dhe se nëse kjo nismë do të vijë në Kuvend është shprehur se do e votojë pa e menduar dy herë.

Por, ndalur te kjo marrëveshje për Reformën Zgjedhore, Koka është shprehur se nuk do të votojë as pro e as kundër.

"Marrëveshja e partive të mëdha ka zhgënjyer me të drejtë shumë qytetarë, që jo pa arsye prisnin diçka pozitive lidhur me zgjedhjet e ardhshme.

Për hir të vërtetës më shumë ka zhgënjyer demokratët e thjeshtë, që pas 3 vitesh rrugëve me protesta prisnin largimin e Ramës, dhe jo një marrëveshje të Bashës me Ramën për të mos ndryshuar asgjë! Po nga ana tjetër edhe elektorati gri është i zhgënjyer , sepse panë se kjo marrëveshje nuk solli depolitizimin e komisioneve zgjedhore, siç me të drejtë ky elektorat priste, por veç riciklim të tensionit.

Personalisht as nuk do të merrja mundimin, të ngrija kartonin as për ta votuar e as për ta rrëzuar atë marrëveshje. Nisma e re e deputetit Murrizi dhe kolegut Musai krahas të tjerë deputetëve të opozitës parlamentare , më duket shumë më interesante, se sa gjella bajate e gatuar me muaj të tërë nga kolegët Vasili, Bylykbashi, Gjiknuri.

Hapja e listave dhe ndalimi i koalicioneve me shumë parti, që si fëmijët e lagjes fshihen pas të madhit, shkojnë në drejtimin e duhur për reformimin e politikës. Përshëndes deputetin Murrizi dhe kolegun Musai , bashkë me kolegët e tjerë për sfidën e hapur ndaj statukuosë që ka zhgënjyer thellë qytetarët shqiptarë. Uroj vërtet, që të mos jetë si një flakë kashte dhe jam i gatshëm ta mbështes në rast se kjo nismë do të vijë në Kuvend. Përndryshe për marrëveshjen për t'i lënë gjërat siç janë , garantoj qytetarët se nuk do të lodhem të ngre kartonin, as për pro e as për kundër", shkruan Koka.

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet