POP 5

Lajmet më të lexuara të 5 minutave të fundit

Arkiva

MARREVESHJA PS-PD, JA CFARE
PARASHIKON KODI ZGJEDHOR 2012

Peter Stano, zëdhënësi i Komisionerit Evropian të Zgjerimit, Stefan Fyle në intervistën për A1 REPORT theksoi në lidhje me heqjen e anëtarit të Lëvizjes Socialiste për Integrim nga Komisioni Qendor i Zgjedhjeve, se forcat politike duhet të rivendosin konsensusin dhe të zbatojnë marrëveshjen e vitit 2012.

Ai iu referua konkretisht, Kodit Zgjedhor, i miratuar më 29 dhjetor të 2008-ës dhe i amenduar më 19 korrik të 2012-ës, i cili parashikon qartë se zgjedhja e anëtarëve të Komisionit Qendror të Zgjedhjeve përcaktohet në këtë formë: 2 anëtarë propozohen nga partia e shumicës parlamentare (Partia Demokratike), 2 anëtarë nga partia e opozitës parlamentare (Partia Socialiste), ndërsa anëtari i katërt dhe i pestë propozohen po prej tyre, por pa përfshirjen e partisë më të madhe të grupit të shumicës dhe të opozitës, pra përjashtohet zgjedhja e anëtarit nga PD-ja dhe PS-ja. Konkretisht, PD ka propozuar duke iu bazuar kësaj marrëveshjeje, anëtarin e tretë të saj nga LSI-ja dhe PS-ja ka propozuar anëtar nga PBDNJ-ja.

Neni 14 i Kodit Zgjedhor thekson se mandati i anëtarit të KQZ-së është 6-vjeçar, ndërsa në asnjë pikë të tij nuk parashikon shkarkimin për arsye të prishjes së balancave politike, si në rastin e largimit të LSI-së nga koalicioni qeverisës.

Sipas nenit 15 të Kodit, ndërprerja para kohe e mandatit të anëtarit të KQZ-së bëhet vetëm për arsyet e mëposhtme:
Kur anëtari:
*kryen veprimtari politike, njëkohësisht dhe detyrën e anëtarit të KQZ
*mbush moshën për pension
*vdes
*jep dorëheqjen nga detyra
*dënohet me vendim gjykate të formës së prerë për kryerjen e një krimi
*me veprim ose mosveprim cënon rëndë veprimtarinë e KQZ për përgatitjen, mbikëqyrjen, drejtimin dhe verifikimin e të gjitha aspekteve që kanë të bëjnë me zgjedhjet e referendumet, si dhe me shpalljen e rezultateve të tyre.
*mungon pa shkaqe të arsyeshme në dy mbledhje radhazi të KQZ-së ose në periudhë zgjedhore për më shumë se 5 ditë

Kërkesa e Partisë Demokratike për shkarkimin e anëtarit të LSI-së në KQZ, Ilirjan Muho nuk përmbush asnjë nga këto kritere që përcakton Kodi Zgjedhor për ndërprerjen e mandatit.

Duke iu referuar sërish Kodit Zgjedhor, përcaktohet qartë se kërkesa për shkarkimin e anëtarëve të KQZ-së, bëhet me vendim Kuvendi, pas propozimit të KQZ-së, dhe nuk parashikohet në asnjë rast që këtë atribut ta marrë një forcë politike, si në rastin e kërkesës së PD-së për zëvendësimin e Ilirjan Muhos të LSI-së.

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarin?

Lajme të tjera



×

Lajmi i fundit

Shpallet logoja fituese e Tirana Kryeqyteti Mesdhetar i Kulturës dhe Dialogut 2025, Veliaj: Mbështesim më shumë artin dhe kulturën

10 Janar, 14:19