Masakra e Reçakut, Begaj: 15 janari 1999 zgjoi botën për reflektim ndaj masakrave barbare të regjimit të Millosheviçit

Në fshatin Reçak, rreth 30 kilometra larg Prishtinës, forcat serbe vranë 45 civilë shqiptarë, më 15 janar të vitit 1999. Numri më i madh i viktimave u gjet në Kodrën e Bebushit, ndërsa të vrarë kishte edhe në pjesë të tjera të fshatit.

“15 janari 1999, zgjoi botën për reflektim ndaj masakrave barbare që kryheshin në Kosovë. Kjo kujtesë sot është motiv i fortë për të mbrojtur paqen, sigurinë, lirinë e dinjitetin njerëzor nga çdo makineri dhune që ushqehet nga racizmi, ekspansioni dhe armiqësia ndaj tjetrit” shkruan presidenti I Shqipërisë Bajram Begaj.

LEXO EDHE:
Petkoviç: Prishtina s’më lejoi të vizitoj veriun e Kosovës

Sot një çerekshekulli nga masakra e Reçakut, lutemi për shpirtin e civilëve të pafajshëm, viktima të genocidit dhe të krimeve kundër njërëzimit të kryera nga regjimi i Sllobodan Millosheviç në Kosovë shkruan më tej presidenti në postimin e tij në facebook duke e shoqëruar me foton kur ambasadori Walker nderohet  me titullin “Kalorësi i Urdhrit të Flamurit” 

Diplomati amerikan, William Walker, i cili në atë kohë ishte shefi i misionit të OSBE-së në Kosovë, pas një dite të masakrës, kishte vizituar atë zonë dhe u bë dëshmitari i parë ndërkombëtar që raportoi për gjenocidin serb në Kosovë.

Lajmi kryesor:

Sot 25 vite nga Masakra e Reçakut! Kurti e Osmani kërkojnë drejtësi: 45 shqiptarë u vranë në mënyrë brutale, Serbia mohon masakrën

S.G/Shqiptarja.com

TAG:
• Masakra e Reçakut
• shqiptaret
• kosove