Pas masakrës me 137 të vdekur në Moskë, presidenti Vladimir Putin ka shpallur 24 marsin ditë zie. E gjithë Rusia është në zi pas sulmit në sallën e koncerteve, ku veç 137 viktimave, 180 të tjerë u plagosën.
Udhëheqësi i Koresë së Veriut Kim Jong Un i shprehu ngushëllimet e tij presidentit rus Vladimir Putin, njoftoi sot agjencia shtetërore e lajmeve KCNA.
Ndërkohë, autoritetet ruse thanë se 11 persona u arrestuan gjithsej dhe katër personat e armatosur u kapën teksa po shkonin për në Ukrainë.
“U nisën drejt Ukrainës, ku u ishte përgatitur një ‘dritare pritjeje’. Kriminelët dolën për të vrarë gjakftohtë. Të gjithë autorët, organizatorët dhe ekzekutuesit e sulmit terrorist do të ndëshkohen me drejtësi”, tha presidenti Putin.
Kievi nga ana tjetër ka hedhur poshtë pretendimet se është përfshirë në sulm, duke i cilësuar si "absurde".
“Ky Putin i pavlerë, në vend që të merrej me qytetarët e tij të Rusisë, duke iu drejtuar atyre, heshti për një ditë – duke menduar se si ta sillte këtë në Ukrainë”, tha presidenti ukrainas Volodymyr Zelesnky në fjalimin e tij të natës.
Grupi Shteti Islamik (IS) thotë se qëndron pas sulmit. Shteti Islamik ka nxjerrë një foto ku pretendohet se janë katër sulmuesit e djeshme në Moskë. Fotot e të katërve janë të mbuluar, teksa Shteti Islamik ka marrë përgjegjësinë për sulmet, duke thënë se kjo është pjesë e atyre vendeve që luftojnë Islamin.
Këshilli i Sigurisë Kombëtare i SHBA-së tha se e paralajmëroi Rusinë për një sulm të mundshëm në Moskë në fillim të këtij muaji. Kremlini në atë kohë e hodhi poshtë paralajmërimin si "propagandë" dhe një përpjekje të Uashingtonit për të ndërhyrë në zgjedhjet e fundit ruse.
Sulmi ndodhi më 22 mars, ku persona të armatosur dhe te veshur me uniforma ushtarake, qëlluan pa mëshirë ndaj spektatorëve ku duhej të performonte një grupi i muzikës rok i kohës sovjetike. Video tronditëse, tregojnë kur 6200 qytetarë duke u ulur nëpër vende, nisin të vrapojnë të tmerruar drejt daljeve, mes krismave të vazhdueshme dhe britmave. Autorët para se të largoheshin me një automjet të tipit Renault, lëshuan pas granata dhe lëndë plasëse, duke shkaktuar zjarr në ndërtesë.
Dy të arrestuar për sulmin terrorist në Moskë kanë dalë para gjykatës. “Rachabalizoda Saidakrami Murodali dhe Mirzoev Dalerjon Barotovich akuzohen për “sulm terrorist në grup me pasojë vdekje”, raportoi agjencia ruse e lajmeve Tass. Të dy rrezikojnë burgim të përjetshëm. Në video njëri prej të arrestuarve shihet me sy të nxirë, ndërsa në mediet e huaja shkruhet se ai nuk flet rusisht.
Presidenti rus, Vladimir Putin, "është një gënjeshtar patologjik, edhe tani që ai po përpiqet të lidhë Ukrainën ose vendet e tjera perëndimore me sulmin pranë Moskës, pavarësisht se nuk ka prova për të mbështetur pretendime të tilla". Kështu shkruan ministri i Jashtëm i Ukrainës Dmytro Kuleba në X.
“Mos u mashtroni nga Putini dhe pasardhësit e tij. Qëllimi i tij i vetëm është të motivojnë më shumë rusë të vdesin në luftën e tyre të pakuptimtë dhe kriminale kundër Ukrainës, si dhe të rrënjosin edhe më shumë urrejtje për kombet e tjera, jo vetëm për ukrainasit, por për të gjithë”, shton Kuleba.
Momente të reja janë publikuar nga sulmi terrorist në Moskë që ndodhi më 22 mars në një sallë koncertesh.
Media TB24 ka publikuar një video ku duken disa burra të armatosur dhe të veshur me rroba ushtarake kanë hyrë në një sallë, duke shkaktuar frikë dhe tmerr tek të pranishmit.
Pamjet janë të vërtetë të rënda. Nga sulmi humbën jetën së paku 137 persona, mes tyre 3 fëmijë.
Numri i të vrarëve në sulmin e së premtes në mbrëmje në Sallën e Bashkisë Crocus në Moskë është rritur në 137, katër më shumë se numri i djeshëm. Kjo është bërë e ditur nga Komiteti Hetimor Rus, i cituar nga agjencitë e Moskës, duke shtuar se në vendngjarje janë gjetur dy automatikë Kalshnikov dhe shumë municione të papërdorura.
Autoritetet shëndetësore në rajonin e Moskës kanë thënë se numri i të plagosurve nga sulmi terrorist në Bashkinë e Crocus është rritur në 180. Kjo është raportuar nga Tass.
Pamje të reja janë publikuar nga sulmi terrorist në Moskë, ku u shënuan 133 të vdekur dhe u plagosën 140 të tjerë.
Në videon e publikuar nga ISIS, grupim i cili morri përsipër autorësinë e masakrës, duke se vrasësit qëllojnë pa mëshirë mbi civilët, si dhe njërit prej tyre i presin fytin me thikë.
Autoritetet ruse thanë se 11 persona u arrestuan gjithsej dhe katër personat e armatosur u kapën teksa po shkonin për në Ukrainë.
Lajme të tjera
-
Lufta/ Rusia sulm masiv me raketa në Kharkiv ditën e Krishtlindjes! Zelensky: 2025 të bëhet viti i paqes për Ukrainën
25 Dhjetor, 08:15 -
Gjermani/ Sulmi terrorist nga mjeku në Magdeburg: Autori kishte lënë një testament në makinën e tij, zbulohet përmbajtja
24 Dhjetor, 21:39 -
Anija e sanksionuar ruse fundoset në Detin Mesdhe, 2 të zhdukur
24 Dhjetor, 15:12 -
Lufta në Ukrainë/ Përplasje mes Bratislavës dhe Kievit, Zelensky: Fico dëshiron të ndihmojë Putinin
24 Dhjetor, 07:32 -
Seuli: Mbi 1000 koreanoveriorë të vrarë apo të plagosur duke luftuar për Rusinë
23 Dhjetor, 22:43 -
Kremlini hedh poshtë raportimet se gruaja e Assadit ka kërkuar divorc
23 Dhjetor, 18:38 -
Shefi i NATO-s i shqetësuar për sigurinë afatgjate të aleancës
23 Dhjetor, 16:58 -
Seuli thotë se Koreja e Veriut po përgatitet të dërgojë më shumë trupa dhe armë në Rusi
23 Dhjetor, 13:05 -
I dërguari special për Ukrainën dhe Rusinë/ Trump emëron gjeneralin Keith Kellogg për një fund të shpejtë të luftës
23 Dhjetor, 10:11 -
Pasi u rrëzua nga pushteti në Siri, Assadit i ndodh e papritura! Gruaja i kërkon divorcin
23 Dhjetor, 09:38 -
Lufta në Ukrainë/ Më shumë se 1000 ushtarë të Koresë Veriut kanë rënë në front për Rusinë
23 Dhjetor, 08:18 -
NATO trajnon trupat ushtarake ukrainase në Lituani dhe Poloni
22 Dhjetor, 21:59
