POP 5

Lajmet më të lexuara të 5 minutave të fundit

Kronikë

Masakra në Resulaj krim i paralajmëruar, banorët: Ritvan Zykaj gjuante me armë në fshat

Pas krimit makabër me 8 viktima të gjithë kanë një pyetje: A mund të parandalohej vrasja gjakatare që mban autorësinë se 24 Ritvan Zykës? Policia lokale kishte dijeni se ai ishte problematik.

Vrasja makabre e 8 personave në fshatin Resulaj të Selenicës ishte një krim i paralajmëruar. Banorët e zonës tregojnë se Ritvan Zykaj në të shkuarën gjuante me armë në fshat por policia pas ndalimit e ka lënë të lirë. 

Pas krimit makabër me 8 viktima të gjithë kanë një pyetje: A mund të parandalohej vrasja gjakatare që mban autorësinë se 24 Ritvan Zykës? Policia lokale kishte dijeni se ai ishte problematik, pasi ai prej kohësh kishte shfaqur shenja të paqëndrueshme. Madje banorët e fshatit tregojnë se nuk kanë qenë të pakta rastet kur ata kanë raportuar se ai qëllonte me armë në fshat.  

Kishte dalë edhe herë tjetër me armë. Kalamaj qenë atëherë ashtu u tha mendja, hajde dalim me armë dhe dolëm. I dëgjoi policia dhe erdhën e i futën brenda. Mbas asaj here nuk e kam parë më me armë. Ata janë zënë se i ka marrë ndonjë zog ai. Turp të thuash por unë mendoj që fajtor është babai.

Banor i Resulajt

Siç edhe ky i moshuar tregoi se nuk e kishte parë më me armë ,  pas këshillimit në polici kjo nuk ka mundur ta ndërpresë marrëdhënien e Ritvan Zykës me armët. Mos  marrja e  asnjë mase ndaj agresivitetit të tij solli edhe tragjedinë. Për të shkuarën problematike të Ritvan Zykës dhe përdorimin e armëve flet edhe ky banor tjetër i fshatit Resulaj. 

Dëgjuam të shtëna, por ai qëllonte edhe ndonjëherë tjetër kështu kuturu këtej vërdallë. 

Banor i fshatit Resulaj

Kjo ngjarje e rëndë risjell edhe njëherë në vëmendje të politikbërësve dhe ligjvenëse shqiptarë nevojën e zgjidhje urgjente e radikale, me qëllim çarmatosjen kësaj mase të rrezikshme të popullsisë nga armët përmes një aksioni të pamëshirshëm kundër armëve. 

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Opozita jugkoreane me mocion për shkarkimin e ushtruesit të detyrës së presidentit

Opozita jugkoreane me mocion për shkarkimin e ushtruesit të detyrës së presidentit

26 Dhjetor, 09:13