KRUJE- Një sherr mes shoferëve, i ndodhur rreth një muaj më parë i ka marrë jetën tre personave të së njëjtës familje në Krujë, e ndërsa një tjetër ka mbetur e plagosur në gjendje të rëndë. Ngjarja tronditëse ka ndodhur mbrëmjen e së premtes në fshatin Thumanë të Krujës.

Sipas policisë bëhet me dije se 79-vjeçari Fran Çeku, i biri i tij Arben Çeku 44 vjeç, si dhe nipi i familjes së tyre Eno Rama 20 vjeç kanë humbur jetën, ndërsa e plagosur ka mbetur gruaja e Fran Çekut, Luçie Çeku 66 vjeçe. Ndërkohë, mësohet se menjëherë pas kësaj ngjarjeje, 66 vjëçarja është transportuar për në Spitalin Ushtarak në Tiranë, e cila ndodhet në gjendje të rëndë shëndetësore.