Masat për koronavirusin/ Hajdari: Qeveria të ketë kujdes për personat që kanë pamundësi ekonomike (VIDEO)

Deputetja e Opozitës së re, Rudina Hajdari është ndalur të flasë edhe për masat e marra nga qeveria për koronavirusit dhe një mesazh për qytetarët.

"Është një situatë e pazakontë, janë marrë masa të rrepta, por nuk i dimë ende efektet e këtyre masave. Më e rëndësishmja është shëndeti. Qytetarët të dëgjojnë këshillat e ekspertëve, akoma nuk kuptohen përmasat e efekteve të kësaj situate dhe sa do zgjasë, e rëndësishme është të që jemi sa më të kujdesshëm për shëndetin tonë dhe të solidarizojmë shoqërinë që kjo epidemi të mos na prekë në familjet tona", tha Hajdari.

Ajo i ka bërë thirrje qeverisë që marrë masa ekonomike, për të parandaluar efektet që mund të pasohen nga kjo situatë, veçanërisht për ata që kanë pamundësi ekonomike.

"Nga ana ekonomike do ketë efekte të jashtëzakonshme , kemi dhe situata të tjera që janë të paraburgosurit që mund të preket nga kjo epidemi dhe mund të shpërndajnë tek të tjerët. Qeveria të jetë e kujdesshme ndaj këtyre personave me vështirësi ekonomike. Të merren shembuj edhe nga vendet e tjera, por duhet të lëmë ekspertët të flasin", përfundoi Hajdari.

Lajmi kryesor:

Koronavirusi shtyn Reformën Zgjedhore/ Hajdari për Report Tv: Jo takime virtuale! Ne s'biem dot dakord në tryezë, e jo më online (VIDEO)

B.K./b.ha./Shqiptarja.com

TAG:
• reforma zgjedhore