Autoritetet në Kosovë kanë arrestuar 14 persona, punonjës të "Call Center" (Qendër e Thirrjeve) në Prishtinë.
Të arrestuarit dyshohen për veprat penale: “hyrje në sistemet kompjuterike”, “mashtrim” dhe “pastrim parash”. I dyshuari kryesor në këtë rast, sipas autoriteteve, është shtetas i huaj.
Prokuroria Speciale e Kosovës tha se ky aksion është ndërmarrë pas hetimeve disamujore në bashkëpunim me autoritetet e Gjermanisë.
“Ekziston dyshimi i bazuar se këta persona kanë regjistruar si biznes ‘Qendër të Thirrjeve’ në Kosovë dhe përmes saj kanë komunikuar përmes telefonit me shtetas të ndryshëm përfshirë edhe gjermanë. Gjatë komunikimeve kanë arritur t’i mashtrojnë të dëmtuarit duke i shtyrë që të investojnë në platforma të ndryshme digjitale gjoja për investime. Për realizimin e mashtrimit të dyshuarit kanë përdorur edhe sistemin kompjuterik-përdorimi i softuerëve për qasje nga distanca si dhe krijimi dhe përdorimi i faqeve në internet”, u tha në njoftimin e Prokurorisë Speciale.
Sipas Kodit Penal të Kosovës për veprën penale “hyrje në sisteme kompjuterike”, nëse një person ka shkaktuar dëm prej 10.000 eurosh, atëherë ai mund të dënohet nga gjashtë muaj deri në pesë vjet burgim.
Për veprën penale të “mashtrimit”, ndëshkimet bazohen në dëmin material të shkaktuar dhe varojnë nga tre muaj deri në 10 vjet burgim.
Ndërkaq, për veprën penale “shpërlarje e parave”, parashihet dënim me gjobë ose me burgim deri në pesë vjet.
Gjatë aksionit të zhvilluar në disa lagje të Prishtinës më 8 nëntor, Prokuroria bëri të ditur se janë sekuestruar një sërë provash, përfshirë dy vetura, 167 kompjuterë, tre laptopë, telefona mobilë dokumente të ndryshme dhe prova tjera elektronike. Të 14 personat e arrestuar janë dërguar në mbajtje prej 48 orësh./REL
Lajme të tjera
-
Diplomati amerikan: Dialogu Kosovë-Serbi nuk do të jetë prioritet për administratën e Trumpit
23 Nëntor, 08:50 -
‘S’është koha për bashkim me Shqipërinë’, Kurti: Qëllimi i Serbisë është hakmarrja, duhet të jemi të përgatitur për këtë
22 Nëntor, 10:32 -
Kimete Berisha: E vetmuar, si dhelpra!
21 Nëntor, 21:31
-
‘Janë të pavërteta’, Policia e Kosovës mohon se e ka kaluar kufirin me Serbinë
21 Nëntor, 20:12 -
Osmani kritika Kurtit: S’mund të luajmë bixhoz me partnerët, cenohet mbrojtja e Kosovës! Askush s’ia ka dalë vetëm
21 Nëntor, 11:35 -
Operacioni kundër kriptovalutave, gjykata lë në burg kryefinancierin e televizionit të Familjes Berisha dhe 11 të arrestuar, 6 'detyrim me paraqitje' 2 'arrest shtëpie'
21 Nëntor, 10:56
-
Qeveria e Kosovës akuzon Serbinë për legjitimim të diskriminimit të shqiptarëve
20 Nëntor, 21:37 -
Policia e Kosovës aksion në veri të vendit, gjen armë dhe uniforma ushtarake
20 Nëntor, 21:09 -
Kosovë-Shqipëri përmbyllin edicionin e tretë të Javëve Kulturore Ndërkombëtare! Zbuloni aktivitetet që do të organizohen nga data 21 deri më 30 Nëntor
20 Nëntor, 19:06 -
Futi në kurth arsimin, dërgohet për gjykim 20-vjeçari që ngriti skemën e mashtrimit me bursa studimi në SHBA! Hiqej si zyrtar i ambasadës, dha 19 certifikata false për nxënës e mësues
20 Nëntor, 13:44 -
Thirrjet 'Serbi, Serbi', Armando Duka del kundër Kosovës: Gabuan që bojkotuan ndeshjen
20 Nëntor, 12:58 -
Kimete Berisha: Me Mickovskin kundër gjuhës shqipe
20 Nëntor, 11:20
