Paraqiteshin si zyrtare dhe vendosnin gjoba në biznese, në pranga 3 mashtrues: I duam për kryebashkiakët! U kapën duke i marrë 13 mijë euro biznesmenit në Kamëz

Përgjimi i aplikacioni “Signal” dhe “Telegram” çoi policinë drejt zbulimit të një grupi kriminal që mashtronin bizneset në Kamëz duke përfituar prej tyre shuma të konsiderueshme në euro dhe në lekë.

3 prej anëtarëve të grupit u vunë në pranga në flagrance në Kamëz, gjatë tentativës për të përfituar përmes mashtrimit, 13 000 euro nga administratori i një subjekti privat. Sipas policisë, për realizimin e qëllimit të tyre, kanë përdorur aplikacione të ndryshme telefonike për të komunikuar me operatorët ekonomikë, duke u kërkuar donacione në emër të përfaqësuesve vendorë, por jo vetëm.

Përmes operacionit të koduar “Subjekti”, u arrestuan Erjon Lika 41 vjeç, banues në Tiranë, Edmir Jaçe, 32 vjeç dhe Gazmir Ismailaj 39 vjeç, të dy banues në Vlorë.

‘Nga tërësia e veprimeve hetimore, ka rezultuar se në datën 7 janar 2023, këta shtetas kishin përfituar, po përmes mashtrimit, edhe shumën 12 000 euro. Gjatë operacionit policor të koduar “Subjekti”, u gjetën dhe u sekuestruan në cilësinë e provës materiale, 10 100 euro, 50 000 lekë të rinj, 2 automjete të përdorura për kryerjen e kësaj veprimtarie kriminale, fatura transaksionesh, 6 celularë dhe sende të tjera.’- tha Gentian Berberi, Shef i Njësisë ‘E’.

Dy persona të tjerë për të cilët policia jep vetëm inicialet, u shpallën në kërkim pasi akuzohen bashkëpunëtorë të 3 të arrestuarve

Iniciativa për të shtrirë hetimet drejt grupeve që mashtrojnë bizneset, lindi pas arrestimit të 3 shkodranëve më 7 janar, në një tjetër operacion të koduar “Signal”, të cilët  hiqeshin sikur punonin në Drejtorinë e Tatimeve dhe flisnin në emër të zyrtarëve të institucioneve. Preja e të arrestuarve,

Jasmin  Pepaj, Rezart  Pepaj dhe Sherif Kadroviç,  tentuan t’i marrin përmes mashtrimi 130 mijë euro biznesmenit të ndërtimit Pëllumb Salillarit. Mirëpo tentativa e tyre rezultoi e dështuar pasi u arrestuan në flagrancë nga policia në momentin që është bërë dorëzimi i parave. Në banesat e tyre policia gjeti edhe 12 600 euro, duke e çuar në total shumën e sekuestruar në këtë operacion, 142 mijë euro.

Rendit zhvillimet sipas orarit:

Të Fundit Të Parat

M.Q./KT/Shqiptarja.com

TAG:
• Tirane
• mashtrim
• erjon lika
• gazmir ismailaj
• edmir jace
• policia e shtetit
• kamez