Mashtronin qytetarët e BE-së nëpërmjet Call Center-ave, si funksiononte skema e mashtrimit duke iu shmangur detyrimeve tatimore

Subjektet në fjalë kanë qarkulluar vlera monetare të cilat nuk janë raportuar si e ardhura në organet tatimore duke shmangur kështu dhe përllogaritjen dhe pagimin e detyrimeve tatimore. 15 administratorët të cilët kanë ndërmarrë veprime financiare në emër dhe për llogari të këtyre shoqërive, një pjese e të cilave janë të ndërlidhura dhe të ndërvarura nge njëra-tjetra, të jenë pjesë e së tërës, të krijimit dhe funksionimit të një skeme të mirë menduar me qëllim shmangien nga detyrimet tatimore të subjekteve të ndryshme ose mbulimin e veprimtarive ekonomike te jashtëligjshme. Ata kanë marrë pjesë në mënyrë aktive si bashkëpunëtorë për të ngritur, mbajtur në këmbë dhe për ta bërë të funksionojë një skemë të tillë mashtruese me qellim shmangien nga pagesat tatimore dhe evadimin e taksave si tatim fitimi apo tatimi në burim.

Transfertat bankare të këtyre shumave në llogaritë dhe në favor të këtyre subjekteve Call Center, tërheqjet me pas në sasi të mëdha vlerash monetare ne cash, qarkullimi i tyre jashtë sistemit bankar dhe mos raportimi i këtyre të ardhurave në organet e kontrollit të ligjshmërisë së këtyre veprimtarive, krijojnë dyshimin e arsyeshëm të kemi një qarkullim të pasurive me qëllim mbulimin e prejardhjes, natyrës së vërtetë, burimit, fshehjen e destinacionit, fitimit të pasurisë në mënyrë te paligjshme duke i bërë kështu subjekte të veprës penale të “Pastrimit të produkteve të veprës penale ose te veprimtarisë kriminale”.

Arsyetimin e mësipërm e përforcon edhe fusha e veprimtarisë së këtyre subjekteve që rezulton të jetë veprimtaria Call Center. Një veprimtari e tillë ku kemi transferta kreditimi në vlera të larta monetare në llogaritë e këtyre subjekteve dhe më pas tërheqjet cash krijon dyshimin e arsyeshëm jo vetëm për prejardhjen kriminale të këtyre fondeve që mund te jenë fonde të përfituara nga veprimtaria mashtruese me investime false në Bursa Forex, por edhe për veprimet e mëtejshme të mbulimit të prejardhjes dhe destinacionit të mëtejshëm të këtyre fondeve. Administratorët në fjalë kanë bashkëpunuar duke luajtur secili nga një rol bashkëpunëtori për të krijuar dhe funksionuar realisht një skeme me veprimtari ekonomike të kundërligjshme duke qenë kështu të dyshuar në lidhje me veprën penale “Fshehje e të ardhurave”.

Lajmi kryesor:

5.7 mln euro dëm përmes mashtrimeve nëpërmjet Call Center-ave, gjykata e Tiranës cakton 15 urdhër-arreste! Si funksiononte skema duke iu shmangur detyrimeve tatimore

M.Q./A.M./Shqiptarja.com

TAG:
• policia e tiranes
• Call center
• mashtrim
• Gjykata e Tiranes
• armand luga
• TIMS