Vlore- Policia e Vlorës ka arrestuar sot një 18-vjeçar nga Vlora dhe ka proceduar në gjendje të lirë një tjetër, po ashtu ka shpallur në kërkim një të tretë. Të tre këta persona u pikasën një ditë më parë teksa tentonin të kryenin një grabitje në një banesë në lagjen "Bashkimi".

Policia e Vlorës bën me dije se bëhet fjalë për një grup hajdutësh autorë edhe të disa vjedhjeve të tjera në qytetin e Vlorës.

Nga kontrolli në banesat e tyre policia gjeti vegla pune për kryerjen e vjedhjeve si trança për prerjen e hekurave, kaçavida, pinca, çelësa si dhe veshje të përshtatshme për maskim.