MasterChef ndryshime në juri
vjen një emër i njohur i kulinarisë 

Edicioni i tretë i MasterChef Albania starton këtë të premte në ekranin e Top Channel dhe ka ardhur me ide e ndryshime të reja.

Në panelin e jurisë, këtë vit, do të vijojë të gjykojë Renato Mekolli dhe Sokol Prenga, ndërsa Chef Gëzim Musliaka, do të zëvendësohet nga një tjetër emër i njohur i kulinarisë shqiptare brend adhe jashtë vendit, Fundim Gjepali.

Chef ekzekutiv i një prej restoranteve më prestigjioze në Romë, 'Antico Arco', ai do të sjellë në MasterChef përvojën e tij shumëvjeçare, një frymë të re komunikimi dhe shijen e tij individuale.

Chef Fundimi u vlerësua një vit më parë në Itali me çmimin ndërkombëtar 'Grand Prix' për Ushqimin Mesdhetar. Konkurentët e rinj të MasterChef me siguri do të kenë shumë për të mësuar prej tij dhe jo vetëm.

Paneli i jurisë edhe këtë edicion do të ndihmojë për të krijuar një brez të ri me shije dhe nuhatje të hollë për ushqimin e mirë dhe të shëndetshëm.


Redaksia Online
(m.p/shqiptarja.com)