Kështu është shprehur Ministri Damian Gjiknuri në Komisionin Parlamentar të Veprimtarive Prodhuese.
Ai tha se tarifa është vendosur nga Qeveria Berisha dhe se është përfshirë në çmimin e energjisë që paguajnë aktualisht qytetarët.
Shqyrtimi i Buxhetit 2017 të Ministrisë së Energjitikës u shoqërua me replika të ashpra dhe me fyerje nga ana e deputetëve të djathtë.
Deputeti i PD Helidon Bushati akuzoi Gjiknurin se po zhvatnin 1.100.000 mijë familje përmes tarifës së kolaudimit të matësve.
Helidon Bushati: Çohu edhe ik majmun i keq, u bë ai. Ta tregoj unë, ose të rrijë urtë ose të ikë nga komisioni. Të mbajë vendin.
Gjiknuri: Majmun je ti, se edhe pamjen ashtu e ke. Ore ule zërin ti mbajë vendin aty dhe pusho.
Gjatë paraqitjes së buxhetit të vitit 2017, Gjinkuri tha se situata e mirë financiare nëpër të cilën po kalon ky sektor ka bërë të mundur aplikimin e skemave të reja lehtësuese për abonentët debitorë.
dy.b/shqiptarja.com
![](https://www.shqiptarja.com/template/img/sh_logo1.png)