Matura, pranimi në universitete 
do të jetë me konkurs nga 2016

TIRANE- Me përfundimin e procesit të fituesve në universitete publike, Ministria e Arsimit ka filluar hartimin e projektligjeve të cilat do të vënë në zbatim ligjin e ri të arsimit të lartë. Ligji i ri ka përcaktuar qartë se kriterët për sa i përket pranimit të studentëve, do të vendosen nga vet universitetet publike. Zyrtarisht Universiteti i Tiranës thotë se pas hyrjes në fuqi të ligjit të ri ka filluar të hartojë mënyrën se si do të pranohen studentët.

Deri tani janë dy format të cilat kanë propozuar drejtuesit e këtij Universiteti, konkurisin ose esenë. Konkursi do të jetë provim për çdo degë që një kandidatët kërkon të fitojë, ndërsa eseja bëhet për të gjithë maturantët me të njëtën temë. Konkursi është forma që po kërkojnë të zbatojnë universitetet publike, ashtu siç ka qënë para maturës shtetërore që filloi në vitin 2006.