TIRANË - Specialistët e Ministrisë së Arsimit janë futur sot në ambientet e Agjencisë Kombëtare të Provimeve, ku do të hartojnë testin e Matematikës. Ata do të qëndrojnë për 7 ditë rresht të izoluar nga bota e jashtme, duke përzgjedhur pyetjet që u duken më të përshtatshme dhe që masin dijet e maturantëve në këtë lëndë. Specialistët e Agjencisë së Provimeve shprehen se janë marrë të gjitha masat e sigurisë që asnjë hartues të mos ketë lidhje me qytetarët jashtë agjencisë. Kështu, hartuesit nuk do të kenë internet, as telefon, ndërsa do të ushqehen dhe do të flenë në mjediset e Agjencisë Kombëtare të Provimeve. Ata do të dalin prej andej një orë pasi të ketë filluar provimi i matematikës, më 16 qershor të këtij viti.

(ln/aq/shqiptarja.com)