Gjithashtu kryeministri shprehet se deri dje të gjitha këto zhvillime ndodhnin larg syve dhe kontrollit të maturantëve, në errësirë të plotë, në dëm të konkurrencës e të meritës, por sot ka një ndryshim epokal.
"Sistemi i regjistrimeve në universitete është, për herë të parë pas 25 vjetësh, i gjithi në duart tuaja!
Konkurrenca dhe merita, janë më në fund dhe në transparencë të plotë përpara syve tuaj!
Urime e suksese të gjithëve ndër ju që tanimë e kanë bërë zgjedhjen e tyre dhe janë regjistruar, ndërkohë që të tjerët mund të ndjekin në kohë reale zhvillimet për çdo degë, për të përmbushur synimin e tyre.
Deri dje të gjitha këto zhvillime ndodhnin larg syve dhe kontrollit tuaj, në errësirë të plotë, në dëm të konkurencës e të meritës. Sot ju jeni dëshmitarët e parë të një ndryshimi epokal.
Miku, fisi, partia, leku apo shansi qorr, nuk kanë më asnjë fuqi mbi fatin tuaj në këtë proces. Atë e keni në dorë ju!
Me vëmendje e durim, ndiqni zhvillimet e raundit te dyte. Mbarësi e suksese" shkruan kreu i qeverisë.
Në datën 6 dolën përgjigjet nga universitet për raundin e dytë, ndërsa vazhdon regjistrimi i maturantëve.
Maturantët, Basha: Rama u ka vjedhur të ardhmen me aferat korruptive
Kryetari i Partisë Demokratike Lulzim Basha ka reaguar ndaj deklaratës së kryeministrit Rama mbi cështjen e maturanëve duke e akuzuar se qeveria u vodhi të ardhmen. Basha thotë se, për Ramën vlejnë vetëm milionat korruptive që fut në xhepat e tij dhe miqve të tij. Maturantët janë "viktimat" e rradhës të pushtetit të tij të korruptuar.
"18 mije maturante, mes tyre mijera me rezultate shume te mira dhe te shkelqyera, vazhdojne te jene ne ankthin e pritjes nese do te arrijne te ndjekin studimet sipas merites dhe preferences. Ata dhe prinderit e tyre qe kane sakrifikuar gjithcka per shkollimin e tyre nuk kane asnje pergjigje pse nuk jane vleresuar rezultatet e shkelqyera te femijeve te tyre.
E ndersa prisnin zgjidhje, autori i kaosit dhe pasigurise se krijuar, ju dhuroi nje tjeter mashtrim dhe perqeshje, qe ne oret e para te mengjesit.
Nga bordi i nje avioni privat, i shkeputur totalisht nga realiteti, Rama vazhdoi avazin e genjeshtrave dhe talljeve me endrrat e mijera te rinjve te cileve ju ka vjedhur te ardhmen me aferat korruptive qe fshihen pas pseudoreformes ne arsim.
Per Ramen vlejne vetem milionat korruptive qe fut ne xhepat e tij dhe miqve te tij. Maturantet jane "viktimat" e rradhes te pushtetit te tij te korruptuar.
Transparence, Merite-Preference dhe mbeshtetje buxhetore, kete meritojne dhe kete do te kene te rinjte shqiptare pas shfuqizimit te pseudoreformes Rama. #Shqiperia me mire pa Edi Ramen".
d.b/dy.b/shqiptarja.com
![](https://www.shqiptarja.com/template/img/sh_logo1.png)