Mazhoranca dhe opozita janë bashkuar në një tryezë për të diskutuar rreth aksesit në dokumentet historike dhe hapjen e dosjeve të ish-Sigurimit të Shtetit. Kryetari i grupit parlamentar të PS, Taulant Balla tha se kanë të njëjtin qëllim, të largojnë nga politika bashkëpunëtorët e ish Sigurimit të Shtetit që s’mund të mbajnë poste të larta.
“Për të siguruar standardin e pastërtisë së figurës kremi propozuar nisma ligjore. Njëra ka të bëjë me garantimin e integritetit dhe tjetra ndryshime në ligj. Hera e parë që jemi në një panel me kryetarin e opozitës për këtë çështje. Edhe nisma që ka ardhur nga opozita është e mirëpritur nga ana jonë. Kanë përdorur model tjetër, synimi është i njëjtë. Ke qenë bashkëpunëtor i sigurimit të shtetit, s’mund të jesh në këtë sallë, as president, as kryeministër apo në institucionet që parashikon Kushtetuta. S’mund të jesh kryetar i një partie politike në Shqipërinë e vitit 2023 nëse ke bashkëpunuar me sigurimin e shtetit”, tha Balla.
Ndërsa kryetari i grupit parlamentar të PD, Enkelejd Alibeaj tha se ka 32 vite që politika shqiptare nuk ndërmerr akte serioze për shkak të shantazhit në politikë. Alibeaj theksoi se hapja e dosjeve dhe lustracioni s’duhet të kthehen në luftë politike ndaj kundërshtarëve. Ai e cilëson të vërtetën të cunguar gjatë të gjithë këtyre viteve dhe sipas tij, nëse nuk merr fund kjo çështje do vijojë shantazhi politik për moshapjen e dosjeve.
Alibeaj përmendi edhe dosjen ku Ilir Meta përmendet si spiun i ish Sigurimit të Shtetit duke thënë se ende është çështje e zgjidhur.
“Shteti shqiptar dhe shoqëria kanë dështuar në mënyrë dramatike dhe mizore për të tejkaluar një nga standardet morale, ndëshkimin e diktaturës me instrumentat që Europa e Perëndimit ia ka dhënë asaj të Lindjes, aksesi në dokumentet e Sigurimit të Shtetit. 32 vite politika shqiptare nuk ka ndërmarrë akte serioze. Jo vetëm kaq por shantazhi në politikë ka qenë një nga instrumentat e luftës politike. Kjo ka ndodhur në Shqipëri. Kjo ka qenë pengesa më e madhe se përse dosjet nuk janë hapur, e vërteta ka qenë e cunguar. Lufta politike e ka përdorur dhe ky është keqpërdorimi më i madh që i është bërë kësaj pjese të rëndësishme të koshiencës. Shoqërisë shqiptare i është ofruar harresa. Është i vonuar, por duhet bërë. Nëse s’merr fund do vazhdojë dhe hanxhari i shantazhit në sfera politike. Në gusht nisi si provokim i një lufte politike dhe sot është ende e pazgjidhur. Propozimi i bërë nga ne ishte ky, të hapen dosjet për këdo dhe pa kufizim. Gjyqtari i vërtetë të mos jenë palët politike në parlament se rreziku i përdorjes për luftë politike është i pranishëm por të jetë publik. Ligji i Lustracionit mund të duket arkaike që në Shqipëri të mund të flitet për lustracionin në 2023. Lustracioni të jetë pa thika, të mos jetë lojë politike”, tha Alibeaj.
Për të pastruar politikën nga personat e lidhur me ish sigurimin e shtetit, Kuvendi i ka hapur rrugë rivlerësimit të pastërtisë së figurës për politikanët dhe funksionarët publikë, pavarësisht certifikatave nga komisionet Mezini-Bezhani. Ndërkohë në Komisionin e Ligjeve vijon shqyrtimi për nismën ligjore të lustracionit ndërsa për hapjen e dosjeve është vendosur që kopje nga dosjet e ish Sigurimit të Shtetit mund të kërkohet në bazë të ligjit për të drejtën e informimit, por me disa kufizime. Së pari, kërkuesi duhet të japë informacion se ku mund të ndodhet dosja. Së dyti, duke të argumentojë interesin e tij për të pasur akses dosjen përkatëse dhe së treti kërkuesi nuk duhet të keqpërdorë informacionin që ka marrë.
Kryetari i grupit parlamentar të PS, Taulant Balla është i hapur për bashkëpunim me Enkelejd Alibejn për ligjin e hapjes së dosjeve.
“Kush ka qenë bashkëpunëtor i Sigurimit të Shtetit, e humb mandatin e deputetit. Propozimi i opozitës, që t’ju them të drejtën bën sens, është një mënyrë tjetër, nuk përdoret ligji i Dekriminalizimit, por një ligj i posaçëm. Ndërhyrjet përmes autoritetit që ka jo vetëm fuqinë verifikuese, por merr vendimin përfundimtar.
Përdoret një ligj i ri i posaçëm ku ndërhyhet përmes Autoritetit të Dosjeve që merr vendimin përfundimtar që të mos jesh i zgjedhur apo të emërohesh në pozicione shtetërore. Të bëjmë bashkë propozimin tonë dhe të opozitës. Propozimi ynë është i hapur për t’u diskutuar bashkë me atë të PD. E rëndësishme është që pas 32 vitesh duhet t;i japim zgjidhje. Sot po them që jemi të hapur të diskutojmë me opozitën,e rëndësishme është rezultati përfundimtar. Mekanizmi ynë që kur dedektohesh humb kur je zgjedhur dhe pozicionin që ke marrë. Sot është moment i rëndësishëm kur ka konsensus. Sot mund të them me zërin më të lartë të mundshëm se jemi në prag të përmbylljes.
Njoh si pakicë në Kuvendin e Shqipërisë grupin parlamentar të PD. Grupi më i madh rezulton ky grup. Mos harroni, ka një rregull në politikë, nuk e zgjedh dot kundërshtarin”, tha Balla.
Lajme të tjera
-
Balla takim me deputetin Shaip Kamberi në parlamentin serb: Kërkesat e shqiptarëve të Luginës së Preshevës duhet të respektohen
12 Nëntor, 16:22 -
Verifikimi i kandidatëve për zgjedhjet 2025/ Autoriteti i Dosjeve: Partitë të dorëzojnë emrat 70 ditë para
12 Nëntor, 14:09 -
Balla takim me komunitetin shqiptar në Venecia: Vota e Diasporës, një hap i rëndësishëm për demokracinë shqiptare
9 Nëntor, 16:54 -
Balla takim me drejtuesit e Shoqatës së Avokatëve Shqiptarë në Itali: Po punojmë për zgjidhjen e problematikave me njohje dokumentash dhe lehtësim procedurash konsullore
8 Nëntor, 20:20 -
Gjykata Kushtetuese rrëzon kërkesën e Sali Berishës për përjashtimin nga çështja e tij të gjyqtares Marsida Xhaferllari
6 Nëntor, 15:32 -
Balla takim me studentë dhe profesionistë shqiptarë në Selanik: Shqipëria, tërheqëse edhe në aspektin ekonomik
2 Nëntor, 18:34 -
Meta në burg, Alibeaj për Report Tv: U arrestua ish-presidenti, e çfarë pastaj, të gjithë para ligjit të barabartë! Berisha kërkon të shesë qeverinë teknike si karamele, i paaftë të fitojë zgjedhjet
1 Nëntor, 17:58 -
Debati për anijen me mbetje zhvendoset në Kuvend! Açka: Do asgjësohen në det! Balla: Ka ikur koha kur nuk zbatohej urdhri i Prokurorisë! Hoxha: S'janë kuti kartoni t'i fshehim
31 Tetor, 11:07 -
Pjesëmarrja e ambasadorëve në takimet e Ramës me diasporën, Bardhi: Po përgatisim kallëzim penal në SPAK! Presidenti të reagojë
27 Tetor, 12:30 -
Balla vizitë në shkollën e Gjuhës Shqipe në Philadelphia: Jeni shembull
25 Tetor, 10:42 -
'Konflikt interesi', Berisha kërkon përjashtimin nga çështja e tij të partneres së Enkelejd Alibeajt, gjyqtare e 'Kushtetueses'
24 Tetor, 16:27 -
SHBA/ Balla në Universitetin e Harvardit: Diskutime për rrugën Europiane dhe avancimin e diasporës shqiptare
24 Tetor, 13:19
