Ministri i Shtetit për Pushtetin Vendor, Arbjan Mazniku i ftuar në emisionin ‘Frontline Interview’ me gazetaren Marsela Karapanço në Report Tv ka deklaruar se borxhi i bashkive është ulur me 60% që nga 2015.
"Në 2015 para reformës totali i borxheve të bashkive ishte gati trefish i asaj që është sot. Sot borxhi ka rënë me 60%. Ka bashki që kanë ende borxhe. Situata në tërësi është shumë herë më e mirë. "
Sa i përket borxheve që kanë akumuluar, ndalur te bashkitë më problematiket si Vora dhe Kavaja, ministri përmendi dhe arsyet.
"Ka disa bashki si Kavaja apo Vora më problematiket. Quhen në vështirësi financiare një nivel më poshtë se falimenti. Ato kanë borxhe të prapambetura që para 7-8 vjetësh. Borxhet kryesisht kanë të bëjnë me energjinë elektrike të qytetit. Kanë detyrime ndaj palëve të treta që kanë të bëjnë kryesisht me kompani që kanë marrë një punë e kanë mbaruar punën por nuk janë paguar nga bashkia. Kanë detyrime jo të vogla gjyqësore ndaj punonjësve që kanë hequr nga puna dhe gjykata ka vendosur të paguhen pesë rroga, ose gjashtë rroga"
I pyetur për sfidat që kanë bashkitë në 2024 ai renditi tre më kryesoret.
“2024 është vit specifik pasi gjendemi 10 vjet nga reforma administrative. Bashkitë kanë të paktën 3 sfida. E para në momentin në të cilin gjendemi në raport me BE. Ne fillojmë negocimin e kapitujve specifikë që kanë të bëjnë me BE. Me çështje shumë specifike teknike që lidhen shumë ngushtësisht me bashkitë.
Një pjesë e madhe e programeve të Be janë programe të destinuara për bashkitë, për nivel vendor. Ti duhet ti fitosh përmes projekteve, kjo do të thotë se bashkitë duhet të kenë struktura të afta që jo vetëm ti fitojnë këto projekte por edhe ti zbatojnë. Elementi i dytë ka të bëjë me momentin ku gjendemi në raport me zhvillimin ekonomik të vendit. Bujqësia, blegtoria gjenden në një pikë rritjeje”, tha Mazniku.
“Ne kemi nevojë që bashkitë të mendojnë si agjendë të zhvillimit ekonomik të territorit të tyre. Bashkitë të mos mendojnë thjeshtë si komunalja por si entitet që bën bashkë qytetarët e kësaj zone, bashkitë do mbajnë mbi shpatulla pjesën e tyre të zhvillimit të vendit. Ka shumë dëshirë nga ana e bashkive. E treta, demografia”, shtoi më tej ai.
Sa i përket kryebashkiakëve që shkojnë në dyert e SPAK, Mazniku deklaroi se kush nuk e bën detyrën si duhet duhet të mbajë përgjegjësi.
“Për këtë çështje PS ka një pozicion të qartë, PS i ka dhënë çdo njeriu që të jetë kryetar bashkie, i ka dhënë besim dhe mundësi. Është detyra e tyre që ta bëjë këtë detyrë në mënyrë të drejtë dhe ligjore. Jemi në një situatë të re”.
Për të shmangur sa më shumë gabimet që bëhet nga padija, ministri tha se janë duke krijuar një akademi të pushtetit vendor për të trajnuar stafet e bashkive.
“Ne jemi duke krijuar një akademi të pushtetit vendor që të trajnojë stafet në të gjitha proceset administrative. Struktura do trajnojë stafet në mënyrë periodike. Nëse bëjnë gabime të mos i bëjnë nga padija”.
Në qershor do të rriten pagat për punonjësit e bashkive. Lajmin e dha në emisionin ‘Frontline Interview’ në Report Tv Ministri i Shtetit për Pushtetin Vendor, Arbjan Mazniku.
“Kemi ndarje të nivelit të pagave me 5 nivele. Në qershor do ketë rritje pagash. Rritje të qenësishme. Pagat jo më shumë se 10% më pak se Tirana. Tirana nuk lëviz me pagat, është në nivelin e barabartë me ministritë. Ne do luftojmë që edhe bashkitë e tjera ti afrohen këtij niveli”, tha Mazniku.
Sa fonde kanë përfituar bashkitë nga donatorët? Ministri i Shtetit për Pushtetin Vendor, Arbjan Mazniku në emisionin ‘Frontline Interview’ në Report Tv bëri një renditje të bashkive duke nënvizuar ato që kanë thithur më shumë fonde nga jashtë.
“Berati ka marrë më shumë fonde nga Donatorët. Përmeti, Tirana, Gjirokastra. Kanë qenë vgjilente me shkrimin e projekteve. Duhet të bashkërendojmë punën dhe të bëjmë pak shkëmbim mes njëra tjetrës. Nëse bashkitë mbledhin 40 mln euro nga projektet në vit do kishte shumë impakt në jetën e qytetarëve”.
Lajme të tjera
-
Magjia e Krishtlindjeve, qindra qytetarë shijojnë koncertin festiv në sheshin 'Skënderbej'! Veliaj: Kemi transformuar Tiranën
24 Dhjetor, 19:35 -
Vigjilja e Krishtlindjeve sjell trafik të rënduar në Tiranë e Vlorë, dyndje mjetesh në hyrje dhe dalje të kryeqytetit (VIDEO)
24 Dhjetor, 18:01 -
Protesta/ PD kallëzon në SPAK dhe te Prokuroria e Tiranës ministrin Hoxha, kryepolicin Proda dhe zinxhirin komandues: Ushtruan dhunë! (DOKUMENTI)
24 Dhjetor, 16:59 -
Gjykata Kushtetuese rrëzon ankimimin e partive të vogla për Kodin Zgjedhor: Pretendime të pabazuara, nuk cenohet barazia para ligjit (VENDIMI)
24 Dhjetor, 16:23 -
Trafiku i rënduar, Report Tv sjell pamjet me dron, dyndje mjetesh në rrugët kryesore të Tiranës
24 Dhjetor, 16:19 -
Trafik i rënduar në aksin Tiranë-Elbasan, shqiptarët drejt Pogradecit e Korçës për festat e fundvitit
24 Dhjetor, 15:44 -
Kryeministri Rama ndan medaljet për 188 nxënës ekselentë: Jeni heronjtë e mi, ju kam zili! Manastirliu: Kini guxim të ëndërroni
24 Dhjetor, 11:59 -
Tiranë/ 22 vjeçari arrestohet brenda parkingut në QSUT, kapet me rreth 900 gr kokainë! I sekuestrohet municion luftarak në banesë
24 Dhjetor, 11:49 -
VIDEO/ 'Motërq***, b***q, a i çon lekë fëmijës... Hë e more rrogën sot?', Belind Këlliçi dështon sërish, nuk mbledh dot militantë e i hakërrehet policëve
24 Dhjetor, 11:36 -
Festat e fundvitit, fëmijët dhe prindërit e skuadrës së kryeministrisë festojnë së bashku
24 Dhjetor, 08:19 -
Tiranë/ Digjen 3 autobusë gjatë natës tek Ish-Uzina e Autotraktorit (VIDEO)
24 Dhjetor, 08:09 -
Mero Baze: Një hakmarrje ndaj qytetarëve që e kanë braktisur
24 Dhjetor, 07:02
