Valle, këngë e instrumente nën tingujt e muzikës folklorike, e kthyen sheshin e Pazarit të Vjetër në Korçë, në qendrën e “Shpirtit të Ballkanit”. Festivali që shënon edicionin e katërt, bëri bashkë ansamblet e grupet më të mira të Ballkanit ku u promovua tradita e secilit vend.
‘Shpirti i Ballkanit ka katër vite që është krijuar dhe ka një qëllim shumë të madh për të bashkuar artin e gjithë Ballkanit, sepse ne jemi kaq shumë të ngjashëm me njëri-tjetrin. Është festivali i parë Ballkanik dhe kjo zhvillohet në Korçë na bën dy herë krenar.’- tha Blerta Belliu, drejtoreshë e qendrës Kulturore.
Nga Kosova, tek Greqia, 6 shtete të Ballkanit, promovuan trashëgiminë e tyre të traditës, në një festival, ku gara mes grupeve mbetet sa simbolike, aq edhe stimuluese për artistët.
![](https://shqiptarja.com/template/img/NO_ALFA_Kuadrate shqiptarja.png)
‘Kemi ardhur fillimisht në Korçë, jo si asambel, por zi vizitor. Është dhe ndikimi i festivalit që na e bëri të mundur të ndodhemi këtu si ansambël dhe jemi shumë të kënaqur që jemi fqinjë sepse ne vijmë nga qyteti i Follorinës. Janë hapur ura komunikimi mes dy vendeve, por edhe shteteve të tjera që marin pjesë ne festival dhe që synon bashkimin e Ballkanit.’- tha Janis Konstatinu.'- tha Janis Konstatinu.
Nata finale e këtij festivali do të shënohet në teatrin 'Andon Zako Cajupi' ku do të përzgjidhet edhe performanca më e mirë.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)