POP 5

Lajmet më të lexuara të 5 minutave të fundit

Bota

Mbajti të fshehur të birin për tre dekada, arrestohet gruaja suedeze

Një grua e moshuar në Suedi është arrestuar sot, pasi dyshohej se për gati tre dekada e kishte mbajtur të fshehur të birin në banesën e tyre në periferi të Stokholmit.

Mbajti të fshehur të birin për tre dekada, arrestohet gruaja suedeze

Foto ilustruese

Një grua e moshuar në Suedi është arrestuar sot, pasi dyshohej se për gati tre dekada e kishte mbajtur të fshehur të birin në banesën e tyre në periferi të Stokholmit. Ajo mohoi akuzat për mbajtjen të burgosur të të birit dhe dëmtimin e tij, pasi ai u gjet i plagosur dhe në gjendje të rëndë fizike. Duket se ai u zbulua nga një i afërm të Dielën pasi nëna e tij u sëmur dhe u dërgua në spital. Ai tani është duke iu nënshtruar një operacioni për dëmtimet e tij. Policia ka rrethuar banesën në Haninge,  për të kryer hetimin e tyre dhe po kërkon dëshmitarë ndërsa përpiqen të kuptojnë atë që ka ndodhur.

 Por si u arrit të gjendej djali?

E afërmja shkoi në banesë të Dielën në mbrëmje me partnerin e saj pasi dëgjoi se gruaja ishte në spital. Kishin kaluar rreth 20 vjet që kur ajo vizitoi për herë të fundit, pas shqetësimeve që ajo kishte ngritur për gjendjen e të riut kur ai ishte në moshën 12 vjeçare dhe u hoq nga shkolla.

Ajo gjeti  derën e hapur, prandaj dhe u fut brenda. Në momentin kur ajo tha përshëndetje dëgjoi disa zëra nga Kuzhina, aty ajo gjeti burrin të ulur në një cep të errët dhe me plagët që i mbuluan këmbët deri në gjunjë.

Ai kishte humbur pothuajse të gjithë dhëmbët dhe zëri i tij ishte i paqartë. Kur burri u dërgua në spital, mjekët lajmëruan policinë dhe nëna u ndalua.

Një zëdhënës i policisë i tha agjencisë së lajmeve se djali mund të ketë qenë i burgosur prej kohësh por nuk janë të sigurte për këtë gjë.

Asgjë zyrtare nuk është raportuar ende, por i afërmi që gjeti djalin i tha TV publik suedez se nëna ishte ndjerë keq për humbjen e një fëmije tjetër në moshë të re. Kur ajo lindi përsëri, djalit të saj të ri iu dha i njëjti emër. Ajo donte që djali i saj i vdekur të kthehej, u citua të thoshte një i afërm i saj, dhe e mbronte më shumë seç duhej të birin.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Lufta/ Netanyahu gati të tërheqë 320 mijë rezervistë! 20 të vrarë dhe dhjetëra të plagosur në Bejrut

Lufta/ Netanyahu gati të tërheqë 320 mijë rezervistë! 20 të vrarë dhe dhjetëra të plagosur në Bejrut

24 Nëntor, 07:55